أسامة كمال يفجر قضية كارثية على الهواء ويطالب الداخلية والقوى العاملة بالرد العاجل
فجر الإعلامي أسامة كمال، قضية في منتهى الخطورة علي الهواء عن شركة توظيف لإلحاق العمالة بالخارج، مطالبا وزارتي الداخلية والقوى العاملة بفتح تحقيق عاجل لمواجهة الكارثة لانه موضوع لا يمكن السكوت عليه.
وقال كمال، في برنامجه مساء DMC اليوم الأربعاء إن هناك شركة توظيف خارج مصر وشركة إلحاق عماله في مصر، "بينهم اتفاق أن شركة إلحاق العمالة تسفر عدد من الناس يروحوا يشتغلوا من خلال شركة التوظيف في البلد الأخرى بدون ورق رسمي لأن المستشارين العماليين في هذه الدول دي بترفض تديهم صلاحيات يدخلوا بيها عماله لانهم بيشددوا على الاجراءات".
وأضاف كمال، أنه:"ما يحدث من هذه الشركات هي عملية نصب على المواطن بين طرفين بيمصوا دم المواطن الغلبان ويخلوه يبيه اللي وراه وقدامه".
وتابع كمال" الزملاء عرضوا عليا تسجيلات لاتصالات لصاحب شركة الحاق عمالة في مصر وهو بيعترف بلسانه انه شغال في تهريب العمالة بقاله 20 سنة وبيتفق ازاي تتم عمليه التهريب، ودي الصدمة الحقيقية وبياخد كام لو مجرد بس هيهرب الشخص ده"
وأوضح كمال" الراجل بيوضح في التسجيلات لصاحب شركة التوظيف في لبنان اللي بيكلمه على الواتس أب وقايل اسمه بنفسه احمد الشحات العجيلي صاحب شركة العجيلي في المنصورة وبيستشهد بقدرته على التهريب انه كان في واحد اسمه محمد ثروت مسفره تهريب من 10 سنين وقعد و عمل اقامه".
وأردف" الرجل بيقول "انا اشتغلت في التهريب ييجي 20 سنه، ردا على طلب من شخص لبناني بيطلب منه يسفر خمس اشخاص لأن السفارة المصرية مش عايزة تصرحله يجيب عمالة من مصر لأن فيه فائض كبير، فالمصري يقول له الخمسه دول لو عايزهم يركبوا بكرة".
وأكمل كمال ":الكارثة الكيرة إن عملية التهريب بيكون فيها شريك جوا المطار بيمرر المواطنين بدون تصاريح عمل، وده كله بيتم من خلال مكالة تليفون اول ما الشريك اللي جوا يكلم صاحب شركة الحاق العمالة بان الشباك فاضي يروح مكلم الناس اللي عايز يمررهم تهريب انهم يروحوا للشباك الفلاني".
تسأل كمال، هل من يقوم بالسفر للخارج "بهذا الكم من الناس عن طريق التمرير في المطار بدون ما حد يبص في ورقهم ممكن يكون سفر ناس مثلا مطلوبين قضائيا؟، السؤال الاخطر اللي بطرحه ومحتاج المسئولين يوضحهولي: هل معنى الكلام اللي سمعناه ده ان اللي بيسافر دي مش بيتكشف عليه في المطار؟ ".
