أسامة كمال لبائعي سوق برقاش: الملف مفتوح علشان اتابع حنيتكم مع الجمال
أكد الإعلامي اسامة كمال مقدم برنامج مساء DMC ، بعد نجاحه في وقف ضرب الجمال بسوق برقاش بمحافظة الجيزة ، أن هذا الملف سيظل مفتوح ولن يغلق مهما كانت النتيجة.
ورد كمال خلال تقرير تم إذاعته مع تجار سوق برقاش، على احد التجار الذي يطالب بعرض الصورة الايجابية إزاء التعامل مع الجمال بحنية ، كما تم تسليط الضوء على الصورة السيئة.
وعقب كمال قائلا "لا ياشيخ ماشي الكلام ايه رايك ان الملف سيظل مفتوح، علشان اشوف التعامل مع الجمال بحنية".
وقد استنكر الإعلامي أسامة كمال لقطات مروعة لضرب جمال بسوق برقاش بالجيزة من ضرب غليظ للجمال وإصابات بكسر في رجليها وفي عينيها".
وقال كمال مقدم برنامج مساء DMC عبر فضائية DMC " ربنا سيحاسبهم على اللي بيعملوه، لأنه من مظاهر اللارحمة".
وتابع كمال": طبعًا فيه ناس هتقول إزاي تعرضوا ده في التليفزيون، وفيه ناس قلوبها ضعيفة بتتفرج، وإزاي مشاهد زي دي بتحصل في بلدنا وسايبنها، ده لا إنسانية ولا دين ولا رحمة ولا أي حاجة ومش عايز أدعي على اللي بيعملوا ده لا تكون ساعة استجابة".
وأكمل كمال" :الحيوانات دي هتشهد عليكم يوم القيامة وهيختصمنا يوم القيامة اللي عمل واللي سكت.. هل من مجيب؟ تاني ماتقوليش المسلمين بيذبحوا في البلد الفلاني والعلاني، اتكلمنا وصرخنا، لكن مش معنى إن فيه ظلم يبقى نسكت عن باقي الظلم، ألا بلغت، اللهم فاشهد"
