أسامة كمال : السيسى حرك عجلة التاريخ.. وأضاف لمصر الإنجازات

أشاد الإعلامى أسامة كمال، بفعاليات المؤتمر الوطنى السابع للشباب، الذى انعقد بالعاصمة الإدارية الجديدة، قائلًا إن مصر تصنع تاريخها وشعب مصر هو البطل الحقيقى كما أكد الرئيس السيسى.
وقال "كمال" خلال برنامجه "مساء dmc" المذاع على شاشة " dmc" :" الرئيس السيسى أضاف لتاريخ مصر إنجازات كان صعب تتحقق مع أى قائد أعلى تاني، والنهارده القوات المسلحة سواء من حيث التسليح العسكرى او الكفاءة المدنية في حتة تانية خالص".
وواصل :"كل شاب وبنت بيشاركوا، مشاركتهم هتساعدهم فى تغيير مستقبلهم وبالتالى هيساعدهم فى تغيير تاريخهم.. بدون مجاملات د. مصطفى مدبولى رئيس الحكومة، تاريخه بقى أكبر كتير حتى من أحلامه، والرئيس السيسى مواطن من النوع المحرك لعجلة التاريخ، وزى ما قلت وهدفه اتخاذ قرارات مصيرية مستقلة، موضحا أن النهارده بأضيف له اللى ممكن يضيفه له "تاريخ مصر فى المستقبل" إنه ساعد ناس كتير تدخل التاريخ".
وتابع :"كنت بافكر وانا في افتتاح منتدى الشباب بعيد عن الشاشة وقاعد في الصف التاسع على جنب، الناحية اللي عدسات الكاميرا مش بتجيبها، بسأل يا ترى آيه اللى ممكن ييقى فى دماغ الناس، وهما بيتفرجوا على مؤتمر الشباب في التليفزيون، ممكن ييجى فى بالهم أنهم قدام راجل بيعمل تاريخ لبلده".