أحمد موسى: محمد صلاح خذلنا.. لكنه لا يكذب (فيديو)

هاجم الإعلامي أحمد موسى، منتخب كرة القدم، بسبب الخلافات المستمرة حول الأوضاع داخل معسكر المنتخب في بطولة أمم إفريقيا، قائلا: «لسه بيتكلموا المعسكر كان بايظ ولا مش بايظ.. هو ده بقى الموضوع؟.. يادي الخيبة، بصوا على أبطال اليد اللي فازوا ببطولة العالم».

وأضاف موسى خلال تقديمه برنامج «على مسئوليتي»، على قناة صدى البلد: «دي خيبتكم كلكم.. بتتخانقوا على ايه؟.. مفيش فرق بينهم، والاتحاد مسئولة عن خروجنا من بطولة أمم إفريقيا.. شوفوا خيبتكم التقيلة.. هما مش بياخدوا فلوس وأنتو بتاخدوا ملايين».

وعن تصريحات لاعب المنتخب محمد صلاح، ضد اتحاد الكرة، قال موسى: «لازم تصدقوا محمد صلاح، وهو مش محتاج يكذب، لكنه خذلنا مثل الباقين».