بالفيديو..هالة صدقي تكشف عن أزمة كبيرة بسبب مايوه "نص أرنب"

كشفت الفنانة هالة صدقي حقيقة رفض والدتها الاستمرار في التمثيل بعد ظهورها بالمايوه في فيلم "نص أرنب" مضيفة: "أنا بالنسبة لي المايوه زي الفستان مش حاسة أنه حاجة عيب ولما قالوا لي إن في الفيلم فيه مايوه فقلت إيه المشكلة".
وتابعت خلال لقائها ببرنامج "اسألني" المذاع على قناة "أون إي": "فيه فرق إني لابسة مايوه علشان أعوم سباحة أو لابسة مايوه علشان شو.. ولما روحنا السينما نتفرج على الفيلم بدأنا نسمع تعليقات على المايوه فكل شوية ماما تبص لي نظرات صعبة وكانت كارثة وبعدها اتمنعت إني أمثل 5 سنين في السينما لأن كل الأفلام اللي كانت ليا مايوهات".
وأكملت: "حسيت إن المايوه بطل المشهد وأمي كانت رافضة الفكرة وعلشان كده بعتبر فيلم نص أرنب أنه أذاني".
ولفتت إلى أن فيلم "الهروب" كان بمثابة "وش السعد" عليها مشيرة إلى أنه من المتوقع إنتاج الجزء الثاني من فيلم "يا دنيا يا غرامي".
وأكدت أنه عرض عليها العديد من الأدوار الجريئة ولكنها كانت ترفض خوفًا من الفشل في تجسيدها.