أميرة فتحي تكشف عن مفاجأة: تعرضت للتحرش من بنات وستات

كشفت الفنانة أميرة فتحي عن تعرضها للتحرش بعد نشرها لصورة مع صديقها والمدرب الخاص بها في الجيم.
وكتبت أميرة عبر صفحتها الشخصية على موقع التواصل الاجتماعي فيس بوك: «مكنتش عايزة أتكلم في موضوع التحرش بس اللي عايزة أقوله إن التحرش بالألفاظ ميقلش عن التحرش الجسدي أنا من أيام تقريبًا اتصورت مع صديقي وفي نفس الوقت هو ال trainer اللي معايا في الجيم وكانت صورة عادية جدًا وكان في جزء من جسمي بان من ال t -shirt غصب عني حاجة مقصدهاش».
وأضافت «اللي عايزة أقوله إني اكتشفت إن اللي اتحرشوا بيا لفظيا هما البنات والستات للأسف وده شفته على جروب خاص بالستات وأنا في الجروب ده لكن عمري ما اتفاعلت معاه وحد من أصدقائي هو اللي قالي لأنه بيشتغل في مباحث الإنترنت وسألني لو عايزة أقدم بلاغ في الجروب قلتله لاء واكتفيت إنه مسح الصورة وللأسف إن admin الجروب من el friends اللي عندي هنا يعني زي ما في رجالة متحرشين في ستات متحرشين وأنا شايفة إن دول أصعب.. ودي وجهة نظري».