تفاصيل جديدة وصادمة في واقعة التحرش بريهام سعيد.. الإعلامية تنشر صور المتحرشين

كشفت الاعلامية ريهام سعيد تفاصيل جديدة في واقعة التحرش التى تعرضت لها في الساحل الشمالي متن قبل 6 شباب، حيث نشرت صورا للمتحرشين بها على الشاطئ وتطلب من المواطنين ووزارة الداخلية مساعدتها في الحصول على بياناتهم من أجل مقاضاتهم رسميا.
ريهام سعيد نشرت صور في الساعات الأولى من صباح اليوم عبر حسابها على انستجرام لبعض الشباب ممن تحرشوا بها لفظيا بعد رفضها التصوير معهم، وكتبت: "لو سمحتوا محتاجة اتقدم ببيان رسمي لوزارة الداخلية وأوريهم أن حقي مش هيضيع زي ما قالوا لي ابقي ورينا هتعملي ايه؟.. محتاجة من فضلكوا تساعدوني أعرف بياناتهم.. كانوا بيتمشوا من الشاطئ العام وقعدوا في شمسية جنبنا.. وبعدها ابتدت المعاكسة والكلام اللي كان كله قلة أدب.. ومش عارفين أنا مين وكل ده وانا منردش".
وأضافت ريهام سعيد في حكايتها للتفاصيل الجديدة لواقعة التحرش: "قربوا مننا.. بنتي قالت لهم ابعدوا.. أنا مش عايزة اتخانق معاهم عشان ابني ما يتخضش.. لكن لما قربوا عرفوا انا مين قالوا طيب نتصور.. مردتش لأني كنت مضايقة من اللي بيعملوه.. سألوني تاني قلت له أنا قاعدة مع ابني اتصور ازاي؟.. فواحد منهم قال لصاحبه سيبك منها دي كانت محبوسة.. والتاني رد قال "دي رد سجون بصوت عالي جدا قدام كل الناس اللي قاعدين".. اللي انقذني منهم ناس محترمة قاعدة جنبي مشوهم بعد ما فضلوا يقولوا ألفاظ".
كانت ريهام سعيد نشرت مساء أمس مقطع فيديو في بث مباشر تستغيث فيه بالشعب المصري والمسؤولين بعد تعرضها للتحرش هي وابنها في الساحل الشمالي، وقالت في الفيديو: «أول مرة أطلع لايف استجد.. كوني مشهورة يحرمني من حق أعيش حياة طبيعية ..يعني هل أنا ممكن أشتكي إن حد بيتحرش بي ..ولا لازم أعيش معذبة ومقهورة علشان أنا مشهورة».
أضافت في الفيديو: "باقدم بلاغ لفسم مارينا إن تم التحرش بيا لفظيًا أنا وابني الصغير، وأنا لابسة بنطلون وتيشيرت ومش قالعة.. قاعدة قدام بيتي. اتحرش بيا 6 شباب، عندهم 20 سنة.. علشان رفضت أتصور معاهم..وعلّوا صوتهم وهما بيقولوا: دي رد سجون".