هنشوف مين هيضحك في الأخر..سارة الطباخ تفتح النار على محمد الشرنوبي
فتحت المنتجة سارة الطباخ النار على المنتجين الفنيين بسبب تعاملهم مع الفنان محمد الشرنوبي دون الرجوع إلى شركتها التي تمتلك عقد احتكار وإدارة أعمال الفنان الشاب.
وقالت «الطباخ»، عبر حسابها الرسمي على موقع «فيسبوك»: «السادة المنتجين المحترمين في الساحة الفنية تم التعامل اليوم بشكل قانوني مع كل الشركات التي تعاقدت مع فناني شركتي صاحبة الحق الحصري في التوقيع على أي عقود خاصة بكل الفنانين».
وأضافت: «لأن عقودهم جميعًا مازالت سارية ولم تفسخ كما يدعون، بهدف خداع الشركات ولا يحق لهم التعاقد أو إمضاء العقود أو قبض أموال بطريقة مباشرة».
وتابعت: «قام المستشار القانوني للشركة بإقامة دعاوى قضائية ضد كل هذه الشركات حفاظًا على حقوق الشركة، وأدعو كافة المنتجين إلى عدم التعاقد معهم بشكل منفرد بعيدًا عن الشركة حفاظًا على العلاقة الطيبة مع كل الزملاء في مجال الإنتاج الفني بكل أنواعه ومجال الإعلان وشركات الاتصالات والتطبيقات الرقمية وتنظيم الحفلات».
واستكملت: «كل من يتعدى على حقوق الشركة ستقوم الشركة بأخذ كل الإجراءات القانونية فورًا للحفاظ علي حقوقها الأدبية والقانونية».
وتفاعل معها عدد كبير من جمهورها ومتابعيها من رواد مواقع التواصل الاجتماعي، وقال حساب يحمل اسم «هاني زكريا»، ساخرًا من منشور سارة الطباخ : «كل مرة بتكتبي كدة وبنلاقيه منور في الشاشة»، لترد الطباخ عليه: «حلو إنك تضحك بس القانون بياخد مجراه وهنشوف مين اللي هيضحك في الآخر».
ليقول «زكريا»: «انا ماقصدش أقلل من اللى انتى كتباه، انا بس شايف أن شرنوبي مش همه حاجه و بيتعامل بدماغه»، لترد الطباخ :«عدم احترام القانون و اخلاله بالعقد يجازي علية القانون».
ليقول «زكريا»: «ربنا يوفقك و تاخدى حقوقك طبعا ، بس هو مش هيتأثر بحاجه ، هو نجمه ب يعلى و شغله بيزيد والمنتجين هما اللى هيدفعوا فى الاخر ليكى لو قضيتك كسبتيها»، لترد عليه: «والله دي حاجة حلوة جدا و انا مش عايزة غير فلوس و حضرتك مش مقياس عشان تعرف مين نجمة بيعلي لو اجرة بقي اقل فدة مش معناة انة بيعلي خالص ».
ويضيف «زكريا»: «ربنا يوفقك، و يكون الموضوع فلوس بس، هو بيقول أن الموضوع انك عايزه توقفى نجاحه و تاخدى منه الشهره اللى انتى كنت سبب فيها»، لترد عليه: «هو يقول الي يقولة و انا مبردش علي كلام بدون معني انما فنان بيشتغل سنتين من غير ما يدي نسبة الشركة او يدفع الشرط الجزائي للشركة و هو ٦٠٠ الف دولار شركات انتاج مين تكون مطمئنة من انة بيحترم تعاقداتة».
وأضافت: «حضرتك الشركة صرفت علية ملايين تتعدي ال٢٠ مليون جنية و في ٣ سنين بعد ما كان اجرة لا يتعدي ال١٠٠ الف بقي بياخد ٥٠٠ و ٦٠٠ فلو الشركة متستاهلش نسبتها مين يستاهل !! و لو هو بيحترم التعاقد كان دفع و خلصنا و كل واحد راح لحاله بالاحترام مش بالتحايل علي القانون و ادعاء فسخ العقد لامضاء عقود و يدخل الشركة في مشاكل مع شركات محترمة اخري لاثبات حقوقها». ليرد عليها «زكريا»: «اتمنى توصلى لحل».
