أمين الفتوى يحسم الجدل.. هل يستطيع الجن سرقة المنازل؟ | شاهد

قال الشيخ عمرو الورداني، أمين الفتوى بدار الإفتاء المصرية، إن سرقة الجن لأشياء من المنزل أمر غير صحيح من منظور الشريعة والتجربة الواقعية، وهذا ردًا على متصلة سألته عن احتمالية اختفاء حليها بسبب الجن.
وأضاف «الورداني»، في برنامج «ولا تعسروا» المذاع عبر قناة مصر الأولى، أن الله حينما تحدث عن الشيطان والجن كان فيما يخص الوسوسة، وقال في كتابه العزيز عنهما: «الَّذِي يُوَسْوِس فِي صُدُور النَّاس مِنَ الْجِنَّةِ وَالنَّاسِ»، وفي آية أخرى: «مَا كَانَ لِي عَلَيْكُمْ مِنْ سُلْطَان إِلَّا أَنْ دَعَوْتُكُمْ فَاسْتَجَبْتُمْ لِي فَلَا تَلُومُونِي».
وتابع أمين الفتوى: «إذا مفيش حاجة اسمها إن الجن خد حاجة، وبالتجربة ومعايشتنا الطويلة في الاستشارات وفي الفتاوى والإصلاح بين الناس، وجدنا إن كل حد بيقول في حاجة اتاخدت ومفيش حد بييجي عندي أكيد في حد من المقربين ومن الأسرة ومن الناس اللي بيساعدوا هما اللي بياخوا الحاجة».
وختم رده على سؤال المتصلة بقوله: «نصيحتي إن حضرتك تدوري كويس على الحاجة وتحطي الحاجة في مكان محدش يوصله أو يكون مغلق، ولو مغلق أكيد محدش هيوصل له».