صعب يتكرر تاني..طارق لطفي يكشف كواليس مشهد ملحمي بـ «القاهرة كابول» | شاهد
كشف الفنان طارق لطفي كواليس المشهد الحواري الأشهر خلال الموسم الدرامي الحالي والذي جمعه بالفنان فتحي عبدالوهاب، وأحد رزق، وخالد الصاوي، خلال أحداث مسلسل «القاهرة كابول» الذي يعرض في شهر رمضان الجاري.
وقال «لطفي» خلال تصريحات هاتفية لبرنامج «تريندينج» المذاع على قناة «إم بي سي 4»: «كلنا كنا خائفين من الوهلة الأولى للقراءة لأن المشهد يعتبر مزنق كبير جدًا لينا كممثلين وللمخرج، لأن أنت ممكن تمل بسهولة من ناس قاعدة 30 دقيقة مبتتحركش».
وأضاف «لطفي»: «عبقرية أستاذ عبدالرحيم كمال في كتابة نص حلو أوي، وعبقرية زملائي الممثلين، والمخرج حسام علي، والمونتير، ومدير التصوير، وكل الناس اللي اشتغلت عشان المشهد يطلع بالشكل ده».
وأردف «لطفي»: «المشهد ده محصلش قبل كده وأعتقد صعب يحصل بعد كده إلا بتوافر عناصر زي اللي كانت موجودة وأحسن كمان».
وأوضح «لطفي»، خلال حديثه مع برنامج «تريندينج» أن مشهد الحواري الطويل الذي شهدته الحلقات السابقة من مسلسل «القاهرة كابول»، «تم تجزئته على حوالي 17 مشهد، ولم يتم تصويره بالكامل من مرة واحدة».
وتابع «لطفي»: «كان في حالة استمتاع غير عادية بالمشهد ده لأن لما تمثل مع ناس تقيلة بتستمتع بجملة حلوة ده يقولها أو ريأكشن حلو يطلع من حد فأنت بتتفرج وتستمتع مع زمايلك فالماتش كان حلو وسخن وكل لعبة فيه كانت حلوة».
وأتم «لطفي» حديثه: «المسلسل لسه في حاجات حلوة كتير وإن شاء الله هتسألونا تاني إزاي عملتوا كده».
