طبيعي الشعر يبقى كده..رد غريب من ريهام حجاج بعد تجسيدها لصعيدي بقوصة

خلال الساعات القليلة الماضية، تعرضت الفنانة ريهام حجاج لسخرية واسعة من قبل رواد مواقع التواصل الاجتماعي، بعدما تنكرت في هيئة شاب صعيدي بـ «قوصة» خلال حلقة مسلسل «وكل ما نفترق»، ما استدعى ردها.
وقالت الفنانة ريهام حجاج، عبر خاصية الاستوري بحسابها الشخصي بموقع «انستجرام»: «هي الناس اللي بتقول إن شخصية زينب ولد صعيدي بقوصة، بتخترعوا ليه يعني لو اللي بيتكلم مجنون فالمستمع عاقل أكيد، ازاي هعمل دور راجل».
وتابعت: «الشخصية اسمها زييييينب زينب يعني زوزو (بنت)، وأول ظهور ليها كان في الحلقة الأولى يعني مش مفاجأة وطبيعي لو بنت شعرها يبقى كده، ولبست عمة حايطلعلها قوصة، ومش معنى إنها صعيدية لازم يبقى شعرها كيرلي زي شخصية مأمونة»، وختمت: «البنات الصعايدة قمرات».
هذا، وأثارت إطلالة ريهام حجاج في الزي الصعيدي سخرية رواد مواقع التواصل الاجتماعي، إذ ارتدت عمة صعيدية، ونزلت منها «قوصة»، ليسخر منها الجمهور بهذا الشكل، مؤكدين أن هذا غير واقعي بالمرة.
مسلسل «وكل ما نفترق» من بطولة ريهام حجاج، وأحمد فهمي، وأيتن عامر، ورانيا يوسف، وسلوى خطاب، ومحمد الشرنوبى، ومن إخراج كريم العدل.