مش هنعديها..هجوم ناري من زوجة نجل إسماعيل ياسين على محمد رمضان | شاهد

علّقت السيدة سامية شاهين، زوجة المخرج الراحل ياسين إسماعيل ياسين، نجل الفنان الكبير إسماعيل ياسين، على الأزمة القائمة بسبب اتهام مسلسل "موسى" بالسخرية من الكوميديان الراحل في أحد مشاهد الحلقة 12 من العمل الذي يقوم ببطولته النجم محمد رمضان.
وقالت شاهين، خلال مداخلة هاتفية مع الدكتور معتز بالله عبد الفتاح، مقدم برنامح "تحت الشمس"، عبر فضائية "الشمس": "دي مش أول مرة محمد رمضان يعمل حاجة زي كده، من سنة ونصف برضو قال حاجة عن إسماعيل ياسين واتدخل النقيب الدكتور أشرف زكي حتى اعتذر رمضان، وبرضو محرمش".
أضافت: "المشهد ده تهكم واضح على فنان قيمة وقامة زي إسماعيل ياسين، محمد رمضان بيجي جنب إسماعيل ياسين ليه؟ إحنا المرة دي مش هنعديها، المرة اللي فاتت عديناها، ونريد الحق الأدبي للقامة الكبيرة إسماعيل ياسين".
تابعت: "اللي هيرد اعتبار إسماعيل ياسين أنه يعتذر رسميا هو والمؤلف والمخرج، المؤلف والمخرج ماشيين ورا محمد رمضان، إزاي المخرج يقبل حاجة زي كده؟ في قانون بيحكم ظهور الشخصيات التاريخية من غير موافقة الورثة".
اختتمت: "أنا مش هقبل أن جدي بناتي (سارة وسلمى) أحفاد إسماعيل ياسين يتهان بالشكل ده".