اللهم أجرني في مصيبتي..حنين حسام تنهار من البكاء في أول ظهور بعد حكم حبسها | فيديو
خرجت فتاة التيك توك، حنين حسام عن صمتها بعد حكم حبسها 10 سنوات بتهمة الإتجار بالبشر، للتحدث عن كواليس الحكم.
ودخلت "حنين"، فى حالة انهيار وبكاء هستيري بسبب الحكم، وهي تناشد الرئيس السيسي لمتابعة قضيتها، وتظهر في يدها "كانيولا" طبية قائلة: "إنا لله وإنا إليه راجعون.. المؤمن لما يجيله مصيبة مينفعش يقول ليه أنا وليه حصلي أنا كده".
وتابعت: " أنا عملت إيه.. قعدت 10 شهور محبوسة ولما طلعت مفتحتش بوقي وطلع عيني فيهم واتقهرت، بس الحمد لله أنا في وسط أهلي وشوفت الشارع".
وأضافت: "أنا عملت إعلان لتطبيق لايكي مش حاجة حرام، تطبيق كلكم بتنزلوه، الأبلكيشن دا غلط سيبينه يتحمل في مصر ليه؟! وسايبين مقر الشركة في مصر ليه! ".
وأردفت حنين: "مستقبل وحياة وأسرة بتدمر، أنا عملت إيه أنا مغلطتش وبتحاسب لأ أنا مغلطتش أصلًا، مفيش حد متضرر مني، أنا مضرتش حد"، مشيرة إلى أنها حصلت على 300 دولار مقابل الإعلان.
وتساءلت عن سبب القبض عليها هي تحديدًا رغم إعلان عدد من مشاهير اليوتيوب عن نفس التطبيق، مردفة: "قعدت في السجن أسبوعين وفقدت النطق، وكان ممنوع حد يقولي صباح الخير في السجن، وأنا اتحقق معايا 9 أيام بس".
وألقت الأجهزة الأمنية بوزارة الداخلية القبض على فتاة التيك توك حنين حسام، تنفيذا لقرار محكمة الجنايات بضبط وإحضار المتهمة في قضية الاتجار في البشر وذلك بعد صدور حكم بحبسها.
