هنيئًا لي بشطب عضويتي.. رد ناري من حلا شيحة على بيان نقابة المهن التمثيلية
قررت الفنانة حلا شيحة، أن تخرج عن صمتها وتقوم بالرد على بيان نقابة المهن التمثيلية والذي تم الإعلان من خلاله عن شطبها من نقابة المهن التمثيلية بعد تصريحاتها الأخيرة.
كتبت حلا شيحة من خلال حسابها الرسمي على “الأنستجرام”: حابة أشكر كل الناس الجميلة علي رسايلهم الجميلة المشجعة.. وحابة أشكر كل الصحافة اللي نشرت فتوى دار الافتاء النهارده اللي موقفي هو نفس موقفها اللي بيوضح إن التمثيل والفن عموما زي اي مهنة في الدنيا حلاله حلال وحرامه حرام.. وأنا لا أحب أن اكون جزء من اي نوع من التطرف سواء باسم الدين او باسم الفن.. ولو نقابة المهن التمثيلية ترفض موقف دار الافتاء الواضح فهنيئا لي بشطبها لعضويتي".
وتابعت قائلة:" حبي للفن محدش يقدر ينكره ولا يزايد عليه.. انا ماتكلمتش غير عن نفسي وبقدر كل زمايلي.. الزميل الوحيد اللي ذكرته هو اللي الموضوع اصلا متعلق بيه.. وعتابي ليه لحسن ظني بيه.. والعتاب في الملأ عشان الكليب في الملأ وبالنسبة للكلام غير اللائق عن الأجر.. كل اللي في المجال شاهدين اني كنت اعتذر عن عدد كبير من الاعمال الفنية وكنت بقبل اجور اقل مما يتناسب معي تعاونا مع صناع العمل.. واصلا ما استلمتش الجزء الأخير من أجري في الفيلم لما أتأخر نزوله جدا وبدأت اتغير وأصلّح.. لأن بصراحة الكلام عن (أجر كبير) ضحكني.
بينما اختتمت حديثها:"أنا فنانة بطبعي ومن صغري وكل اللي يعرفوني عارفين حبي للفن.. ودايما هعبر عن نفسي بمواهبي الفنية لما أحب لكن الجديد اني مش هاعمل كده على حساب اللي انا مؤمنه بيه بجد جوايا زي ما قولت مؤخرا.. انا لا اهاجم احد ولا احارب احد ولا انا افضل من احد ولا انصح احد قبل ما انصح نفسي اولًا وكلنا نخطئ مفيش حد معصوم من الخطأ …و بتمني الخير دايمًا لكل الناس بما فيهم كل زمايلي وصناع العمل".
