أغرب سؤال من فتاة على «تيك توك» ورد صادم من داعية.. «هل عادي أتجوز جن مسلم؟»| شاهد
«هل عادي أتجوز جن مسلم؟»، سؤال غريب تلقاه داعية إسلامي يدعى أحمد علي آل شيخ، من إحدى متابعات صفحته على منصة الفيديوهات «تيك توك»، ما أحدث جدلا كبيرا بين المتابعين، حتى أن الداعية نفسه أبدى اندهاشه من التساؤل غير المتوقع.
رد الداعية الإسلامي على الفتاة
استنكر الداعية الإسلامي، بشدة تساؤل الفتاة الغريب، ورد عليها بطريقة ساخرة، في مقطع فيديو مدته لم تتجاوز 3 دقائق، إذ قال: «أنا هسألك شوية أسئلة وأنتِ جاوبيني عليها، مين هيكتب لكم الكتاب مأذون من الجن ولا مأذون من الإنس؟ طيب العريس المفروض يقابل أبوكي ويتفق معاه على المهر والشبكة.. أبوكي هيقعد معاه إزاي وهو مش شايفه؟ وهيقدمله المهر إزاي؟».
وواصل علي آل شيخ، تساؤلاته الساخرة: «طيب هيجيبلك شقة فين؟ ولا هيتجوزك في بيت أبوكي؟ طيب لو لا قدر الله بقيتي حامل وخلفتوا الولد هيبقى معفرت، نصه إنس ونصه جن؟ وهتودوه مدارس فين وإزاي؟ وهتقولي للناس أبوه مين؟».
واختتم «آل شيخ»، حديثه: «هذا الكلام باطل ولا يصح، ويعد بابًا للفساد، بعد كده أي بنت متجوزتش هيقولوا لها مبتتجوزيش ليه؟ هتقول متجوزة من الجن، يستحيل هذا الأمر، فهمينا وجاوبي لينا على الأسئلة ديه يا ريت الله يرضى عليكي».
