ادعت وفاته وظهر فجأة ليتوعدها بالانتقام.. القصة الكاملة لأزمة بدرية طلبة وشقيقها

حالة من الجدل، أثارتها الفنانة بدرية طلبة، بعد أن نشرت صورة عبر حسابها الرسمي على موقع «فيسبوك»، برفقة ابنة شقيقها، يوم عقد قرانها، لتهنئها بتلك المناسبة، مشيرة في التعليق، إلى وفاة شقيقها، الذي يدعى وليد طلبة، والد الشابة، لتقول: «كبرتي ياقلب عمتو، بنت أخويا رحمة الله عليه، وكتب كتابك أنهاردة. ربنا يخليلك أعمامك وخلانك الرجالة المحترمين، سندك وضهرك، ويرحم أبوكي برحمته الواسعة، أدعو لمريم ربنا يتمم لها فرحتها وأشوفها أسعد البنات في بيتها الزفاف ٩/٤عقبال عندكم».

وبعدها بدقائق، جاءت المفاجأة الصادمة، والتي ظهر فيها والد الفتاة، شقيق الفنانة بدرية طلبة، من خلال منشور له، يكشف فيه عن خلافات عائلية، طالت الفنانة وابنته، وقال في المنشور: « “يا جماعة الفنانة بدرية اللي كانت المفروض أختي، منزلة نعى عنى أنى توفيت والمفروض اللي في النص دي كانت بنتي، وعشان رفضت أروح كتب كتابها النهارده طلعوا عليا شائعة الموت».

وأضاف: «بجد حسبي الله ونعم الوكيل فيكم، أنتوا كلكم ميتين بالنسبالي من سنتين لما سبتوا البيت ونزلتوا الساعة 2 بالليل، جايين دلوقتي تحتاجولى فى كتب الكتاب، أنا يا جماعة ماليش عيال، وعيال مين اللى يعلقوا على شائعة على أبوهم إنه مات والله يرحمه وأنا على وش الدنيا، عيال مين اللى أروحلهم تانى، أنا خلاص ماليش ولا عيال ولا أهل وأخوات».

وتابع:  وانتى يا فنانة بدرية ميته بالنسبالى من زمان، وإن شاء الله اللى قولتيه عليا بالكدب هيتقال على جوزك يوم فرح بنتك بالصدق إن شاء الله، وانتظروا منى أحلى مفاجآت ليكم ياللى المفروض كلكم اخواتى ومن بطن واحدة».

واستطرد: «انتظروا منى أحلى مفاجآت للكل وانتوا اللى بدأتوا الحرب معايا، بالله عليكم يا جماعة أنا عاوز البوست ده يتشير كتير عشان أثبت كذب الفنانة وأنا هطلع لايف بصوتى عشان تتأكدوا انى مش بكدب وهطلع معايا مفاجآت هتعجبكم أوى».

وبعد ساعات من منشور وليد طلبة، عدلت الفنانة بدرية المنشور الذي أثار جدلًا كبيرًا، وحذفت منه ما ذكرته بأن شقيقها متوفى.

وبعدها حذفت بدرية جملة وفاة شقيقها، ليصبح كالتالى: “كبرتى يا قلب عمتو وكتب كتابها النهاردة، ربنا يخليلك أعمامك وخلانك الرجالة المحترمين سندك وضهرك، أدعو لمريم ربنا يتمم لها فرحتها وأشوفها أسعد البنات فى بيتها، الزفاف 4-9 وعقبال عندكم”.