عايز يمارس الرذيلة..نص التحقيقات في اتهام اليوتيوبر أحمد حسن بالتحريض على الدعارة
تفاصيل جديدة في نشر تحقيقات النيابة العامة في واقعة اتهام اليوتيوبر احمد حسن بالتحرش بفتاة والتحريض على الدعارة من خلال محادثة عبر تطبيق واتساب.
وقالت سما محمد في تحقيقات النيابة العامة التي باشرتها نيابة البساتين « ان اليوتيوبر احمد حسن أرسل لي رسائل جاءت نصها ":اخلعي التي شيرت واتصوري عارية كده، طيب تعالي نتقابل في الفيلا بتاعتى امام مول مصر.
وتابعت،:«قالي كلميني واتس وانا طبعا قولتله انا متجوزة وانا بنت ناس مينفعش الكلام اللي انت قولته ده وبعدين ذهبت وقمت بتحرير محضر ضده بتهمة التحريض على ممارسة الفجور والدعارة».
وأوضحت المجني عليها، ان الكلام ده حصل يوم 14 يوليو 2021، كانت أول رسالة مني ليه على الحساب الشخصي بتاعه على انستجرام، وسبب مناسبة إرسال تلك الرسالة لليوتيوبر احمد حسن انه كان منزل إعلان عايز بنت تمثل معاه في فيلم قصير واثناء ذلك ارسلت له رساله عبر الانستجرام وبعد كده كلمته واتس أب على الرقم اللي هو بعتهولي.
وأشارت المجني عليها ان الرسائل المتضررة منها كانت عباره عن "ان جسمك حلو قوي ويلا نلعب عريس وعروسة شوية، طيب تعالي البيت هتتبسطي قوي وصوري جسمك بس متورنيش وشك ولو عرفتي تتصوري صوره خاصة واحدة بس اتصوري وورهاللي طب اقلعي التيشيرت البنك ده واتصوري من غيره ده انتي جسمك ابيض من حياتي تعالي نتقابل في الفيلا بتاعتي امام مول مصر انتي عسولة قوي وجسمك جامد.
وأكدت المجني عليها، ان بداية المحادثة مع اليوتيوبر احمد حسن كانت في 14 يوليو 2021، وتحديدا في تمام الساعة الرابعة عصرا، مؤكده ان المتهم لم يقوم بنشر تلك الرسائل على أحد مواقع التواصل الاجتماعي بشبكة الإنترنت.
واستطردت في تحقيقات النيابة ان تلك الأفعال التي صدرت من اليوتيوبر احمد حسن أثرت عليها نفسيا، وسببت لها أضرار فضلًا عن أنه كان عايزني اروح له الشقة، ويمارس معايا علاقة آثمة مقابل انه يخليني مشهورة.
وتابعت المجني عليها انها قامت بالتواصل مع اليوتيوبر احمد حسن ولم تقوم بحظره، بغرض كشف أمره امام الجميع وخاصة قصاد البنات اللي بتابعه علشان ممكن يكون بيستدرج بنات تانية كتير.
وأشارت في التحقيقات، ان اليوتيوبر احمد حسن شخص مشهور على مواقع التواصل الاجتماعي وأنها من ضمن متابعيه على إنستجرام، وفي الفترة الاخيرة شاهدت اعلان له عبر الانستجرام أنه عايز بنت من سن 20 لـ 35 سنة، للقيام بفيلم قصير معه، واثناء مشاهدتي للإعلان بعتله رسالة.
وينص قانون العقوبات في المادة 306 مكرر (أ) على ان يعاقب المتهم فيها بالحبس مدة لا تقل عن 6 أشهر وبغرامة لا تقل عن 3 آلاف جنيه، ولا تزيد على 5 آلاف جنيه أو بإحدى هاتين العقوبتين كل من تعرض للغير في مكان عام أو خاص أو مطروق بإتيان أمور أو إيحاءات أو تلميحات جنسية أو إباحية سواء بالإشارة أو بالقول أو بالفعل بأي وسيلة بما في ذلك وسائل الاتصالات السلكية أو اللاسلكية.
و تكون عقوبة الحبس مدة لا تقل عن الحبس سنة وبغرامة لا تقل عن 5 آلاف جنيه ولا تزيد على 10 آلاف جنيه وبإحدى هاتين العقوبتين إذا تكرر الفعل من الجاني من خلال الملاحقة والتتبع للمجنى عليه، وفي حالة العودة تضاعف عقوبتا الحبس والغرامة في حديهما الأدنى والأقصى.
و تنص المادة 306 مكرر (ب) على انه يعد تحرشا جنسيا إذا ارتكبت الجريمة المنصوص عليها في المادة 306 مكرر (أ) من هذا القانون بقصد حصول الجانى من المجنى عليه على منفعة ذات طبيعة جنسية، ويعاقب الجاني بالحبس مدة لا تقل عن سنة وبغرامة لا تقل عن 10 آلاف جنيه ولا تزيد على 20 ألف جنيه أو بإحدى هاتين العقوبتين.
فإذا كان الجاني ممن نص عليهم في الفقرة الثانية من المادة (267) من هذا القانون أو كانت له سلطة وظيفية أو أسرية أو دراسية على المجني عليه أو مارس عليه أي ضغط تسمح له الظروف بممارسته عليه أو ارتكبت الجريمة من شخصين فأكثر أو كان أحدهم على الأقل يحمل سلاحا تكون العقوبة الحبس مدة لا تقل عن سنتين ولا تجاوز 5 سنين والغرامة لا تقل عن 20 ألف جنيه ولا تزيد على خمسين ألف جنيه.
