مقدرش أقول حرام.. فيفي عبده تتحدث عن أموالها التي اكتسبتها من الرقص
قالت الفنانة فيفي عبده، إنها لا تستطيع القول بإن الأموال التي اكتسبتها من خلال التمثيل والرقص “حرام”، موضحة أنها تبعد تفكيرها عن ذلك، لأن الجمهور عرفها منذ صغرها وهي تمثل وترقص: “مقدرش اقول إن الرقص او التمثيل حلال او حرام وأنا عملت كده وانا صغيرة وكبرت بفني والجمهوري عرفني”.
وأضافت الفنانة الاستعراضية، في حوارها في برنامج “حبر سري”، المذاع على قناة ” القاهرة والناس”، تقديم الإعلامية أسما إبراهيم: “أبقى إنسانة غبية لو قولت إنها مش حرام، خلاص كبرت بيها، وبقيت فيفي عبده، مش هقدر أقول حرام وأتوب وما أتوبش، أنا بتعب في شغلي جدًا، وربنا هو اللي عالم هتوب امتى، مش هقدر أقول إنه حرام أو إني أتوب وأنا بعمل شغل وبتعب فيه والتوبة دي علاقة بيني وبين ربنا”.
واستكملت فيفي عبده: “تعرضت لمواقف حسد كثيرة بسبب اتقاني للعمل.. ساعات بيجيلي هسهس بسبب خوفي من تعرضي للحسد.. أنا باخد ملابس أي عمل بشتغله عشان خايفة من الأعمال ومبحبش حد يلبس لبسي الذي استخدمه في عملي”.
“أنا لم أعش طفولتي وطوال طفولتي كنت بشتغل ودلوقتي أنا حاسة إني طفلة من الأطفال”، هكذا قالت الفنانة عن أسلوب حياتها التي تعيش به.
وبسؤالها عن إمكانية تبرعها بالأعضاء، قالت: “التبرع بالأعضاء أرفضه لنفسي وأنا مش ضد ده ودي حاجة جميلة من الهام شاهين لإنقاذ البشر ولكن دي وجهة نظر”.
وأوضحت “أتمنى من الله عمري يكون قبل عمر اللي بحبهم ولكن التبرع بالأعضاء دي حاجة انسانية، ولكن فكرة التبرع بالأعضاء بتبقى حسب ظروف البني ادم ووجهة نظر”.
أما عن كثرة الشائعات الخاصة بوفاتها، أشارت: “مش عارفه ليه طول الوقت بيطلع عليا شائعات الموت وده بيطلع على فنانين كتير وكنت بشوف صور ناس بتعزي فيا ولكن الحقيقية الوحيدة في الدنيا الموت ومفيش منه هروب”.
