أنت مبطل كورة والناس عارفه ليه.. كوكا يفتح النار على ميدو | شاهد
رد أحمد حسن كوكا المحترف المصري ضمن صفوف فريق قونيا سبور التركي، على انتقاد أحمد حسام ميدو له، وذلك من خلال تغريدة عبر موقع التواصل الاجتماعى “تويتر”.
وكتب كوكا: “مهاجم متواضع؟ أولا هو أنت أصلا مين طلب رأيك؟ ثانيا أنت مبطل كورة وأنت عندك ٢٩ سنة وكل الناس عارفه ليه".
وأضاف كوكا: "ثالثا لو رقم الأهداف اللي أنا جايبه شايفه قليل ماجبتوش أنت ليه? مع إن اللي بيلعب في نادي أكبر فرصه بتكون أكتر في التسجيل.. رابعا حاولت تبقي مدرب ومبتكملش شهر في أي نادي".
وكتب كوكا تغريدة أخرى قال فيها"و انا عارف ان اكبر غلط اني ارد عليك وانت فاضي وعندك برنامج تتكلم فيه كل يوم بس انا برده مش هيهدني كلامك وهفضل في طريقي، مركز في مستقبلي ومش عايز حاجه من الناس بعد مبطل كوره وبعد لما اموت غير السيره الحلوه."
فيما رد عليه ميدو:عمري ماروحت المنتخب علشان مناسب حد مهم..انت عارف كويس انت كنت بتروح المنتخب لسه..رد في الملعب حاول تروح المنتخب..انت لاعيب تعبان وكل مؤهلاتك نسبك وانت عارف كويس.
واضاف:عمري ما لعبت في دوريات الالاضيش اللي انت بتلعب فيها..يا اهبل مصر كلها بتقول انك لاعيب على ماتفرج مش انا بس وتاني انت عارف كويس انت كنت بتروح المنتخب ليه
ويذكر أن قال أحمد حسام ميدو لاعب الزمالك السابق، إن أحمد حسن كوكا مهاجم متواضع لا يصلح للمستوى الدولي، وجاء ذلك ردا على تغريدة على موقع التواصل الاجتماعى “ تويتر ”.
وكتب صاحب التغريدة: "في الحقيقة أحمد حسن كوكا عامل مسيرة احترافية مميزة جدًا.. النهاردة أحرز هدفه ال٩٩ في الملاعب الأوروبية وهو ثاني الهدافين من المصريين المحترفين في الخارج بعد محمد صلاح والثالث من حيث عدد البطولات بعد محمد النني وصلاح وأرقام تانية كثيرة مميزة.. كل التحية لمسيرته”.
ورد عليه ميدو قائلا: “مهاجم متواضع لا يصلح للمستوى الدولي حتى ولو أحرز ١٠٠٠ هدف”.
