شمتان فيا ومش هقبل اعتذاره.. حمو بيكا يفتح النار على عمر كمال | فيديو

تحدث مطرب المهرجانات حمو بيكا، على خلافه مع زميله عمر كمال، بعدما ظهر الأول، أمس، وهو يهاجم الأخير في بث مباشر عبر حسابه الرسمي على موقع الصور والفيديو «انستجرام».

وقال «بيكا» في مداخلة هاتفية ببرنامج «كلام الناس» الذي يذاع على شاشة mbc مصر:«عمر كمال شمتان فيا، عشان هو بقى يغني وأنا لا، وهو مش أول مرة يعمل معايا كده، وأنا خلاص مسحت كل حاجة نزلتها إمبارح، لأني كنت عايز أوصل رسالة لعمر كمال وهي وصلت خلاص، ومش عايز أعرفه تاني».

وأضاف:«أنا مش هقبل من عمر كمال أي اعتذار ولا أسف، والدنيا مش سايبة وهتدور، لأنها زي الموجة شوية تحت وشوية فوق، وأنا معايا ربنا».

ووجه مطرب المهرجانات حمو بيكا، رسالة إلى نقيب المهن الموسيقية الفنان الكبير هاني شاكر، بعد قراره الأخير بمنعه من الغناء، متمنيًا الرجوع إلى الغناء.

وقال «بيكا» في مداخلة هاتفية ببرنامج «كلام الناس» الذي يذاع على شاشة mbc مصر: «أنا نفسي أشتغل هم بقا عايزين يغيروا أسمي، عادي أنا كل همي، أكل عيش، علشان في ناس كتيرة اتحة بيوتها من ورا مني، أنا لو لوحدي مش هيفرق معايا».

وأضاف: «أنا فاتح 3 مطاعم وكافيه ومشغل ناس تاني برضه، وأنا مصدر رزق للناس دي والمطاعم مكسبتش منها حاجة وبطلع المرتب من جيبي للموظفين، حتى الأن».

وتابع: «كل مطربين المهرجانات أخدوا تصريح من نقابة المهن الموسيقية وكارنيه، ومفيش غيري ممنوع من الغناء لحد دلوقتي».

ووجه «بيكا» لـ نقيب المهن الموسيقية هاني شاكر، قائلأً: «اعتبرني ابنك أو عيل من عيالك وقدرني زيهم أنا عايز آكل عيش».