قالي تعالي وراي.. لحظة التحرش بـ كارولين عزمي في الشارع | فيديو

كشفت الفنانة كارولين عزمي عن تعرضها للتحرش اللفظي أثناء قيادتها السيارة، موضحة تفاصيل الواقعة، كما طالبت بحقها.

ونشرت  الفنانة على حسابها الشخصي بموقع تبادل الصور والفيديوهات إنستجرام، مقطع فيديو للواقعة، وكتبت: “مساء الخيرأنا اللي يعرفني أو متابعني عارف إني شخص ملوش في المشاكل ولا عمري شاركت مشكلة تخصني سوشيال ميديا، باختصار النهاردة كنت في عربيتي وجنبي عربية فيها واحد كسر عليا”.

وتابعت: “كل اللي عملته إني بصتله وبصيت قدامي فلقيته بيكرر نفس الحركة تاني باستظراف، روحت طلعت الموبايل وعملت نفسي بصور عشان أخوفه وأخليه يبطل يضايقني اتفاجئت وهو بيقولي بتصوريني يا بنت……، ساعتها اتخضيت وبدأت أصور بجد وأنتوا هتشوفوا في الفيديو الحركات اللي بأيده والشتايم".

وأضافت: “بدأ يقولي تعالي ورايا والحقيقة إني مش عارفة أروح وراه فين، أو كان عايز يعمل إيه ولإني اتوترت، وخوفت ساعتها مقدرتش أصور 1%من اللى عمله الشخص ده”.

وأردفت:"أنا اتشمت واتهنت واتشمت بأهلي بأقذر الشتايم النهاردة من حد معرفوش ولا عملتله حاجة ولا فتحت بوقي لمجرد إنه شخص مريض، أكيد الشخص دا أذى بنات كتير لإنه تقريبا متعود على الحركات دي، ومتعود يخوفهم ومش همه حتى إنه يتصور، ويتفضح، أنا عايزة حقي يرجعلي".

مسلسل ابو العروسة 3

وتشارك كارولين عزمي فى أحداث الجزء الثالث من مسلسل أبو العروسة والذى يشهد تفاصيل وحكايات جديدة ومختلفة حيث، يتم إقامة حفل زفاف هاجر التى تلعب دورها الفنانة كارولين عزمي على صديقها يوسف محمد مهران، ويعتبر هذا أهم أحداث الجزء الثالث من العمل.

ويواصل صناع مسلسل "أبو العروسة" بين ديكورات منطقة الزمالك تصوير الجزء الثالث من أحداث العمل داخل منزل "عبدالحميد" سيد رجب و"عايدة" سوسن بدر، ومن المقرر أن يستمر التصوير لما يقرب من 10 أيام وتنتقل بعدها أسرة العمل لأحد الديكورات الفرعية.

وتشهد أحداث الجزء الثالث من مسلسل أبو العروسة وقوع بعض الخلافات بين كل من عايدة "سوسن بدر" وعبد الحميد "سيد رجب"، وتقرر عايدة ترك منزلها والذهاب لأسرتها في الريف.

وسرعان ما تتدخل كل من "هاجر" كارولين عزمي لكي تحل الموقف وفي نفس الوقت ترفض "زينة" ولاء الشريف أفعال زوجها "طارق" محمود حجازي مما يجعل الخلافات بينهما تزيد.