عملت مجنونة وقالي لمي هدومك.. عايدة رياض تكشف تفاصيل مثيرة عن معاناتها من محرم فؤاد وأسباب طلاقهما | فيديو

كشفت الفنانة عايدة رياض، تفاصيل طلاقها من الفنان الراحل محرم فؤاد، مشيرة إلى أن هذه الفترة كانت منشغلة بالعديد من الأعمال الفنية.

وقالت «رياض» خلال لقائها ببرنامج «كلام الناس» الذي يذاع على شاشة mbc مصر، «الفترة دي رجعت فيها الشغل، وابتدى الشغل يجيب شغل، وأنزل السينما الصبح، وبعدين أروح المسرح، وكنت بنزل الصبح وأرجع الساعة 3:30 الفجر».

وأضافت: «محرم أكيد كان بيضايق، وأنا ماصدقت رجعت تاني، هو افتكر لما يسمح لي أشتغل إني أشتغل عشان يسكتني شوية، ولكن الموضوع كبر، وبارجع متأخر وبلاقيه قاعد مستني ومتعصب، وعشت معاه في رعب، وكان بيتخانق ويقول لي البيت بقى بانسيون».

 لافتة إلى أنها ابتعدت عن التمثيل لمدة 8 سنوات.

وقالت «رياض»: «محرم فؤاد كان قافل عليا وبيغير أوي، ودا مكنش اتفاقي معاه قالي دا أنا هعمل أفلام غنائية، وملقتش أي حاجة من الحاجات دي».

وأضافت: «بما أني مخلفتش، طبعا يخليكي تزهقي وأنا دخلت الفن، وأنا عندي 12 سنة، ومحرم كان بيستضيف المطربين والملحنين مثل بليغ حمدي، وصلاح جاهين وسيد مرسي وبهجت قمر».

وتابعت: «محرم كان غيور جدًا، واعتدى عليا بالضرب، ومشوفتش ضرب كده، وكان بيمنعني أنى أروح حفلات بسبب آثار الضرب اللي على وشي».

وتابعت: «رفض أنزل أوردر لمسلسل المال والبنون، لكني أصريت وحصلت مشادة عملت فيها إني مجنونة، ومسكت الأزايز وبقيت أخبطها، فقال لي انزلي ولمي هدومك، بعد خناقة جامدة قعدت ساعتين أو تلاتة، وروحت بشنطة هدومي للمخرج مجدي أبوعميرة».