فشلت في حياتها.. هجوم ناري من زوج منة عرفة على رضوى الشربيني بعد تصريحاتها عن الفالنتين
علق الفنان الشاب محمود المهدي زوج الفنانة الشابة منة عرفة، على تصريحات الإعلامية رضوى الشربيني، التي أدلت بها خلال تقديم برنامجها «هي وبس» قائلة: «للسينجل فوايد كتيرة خلال فترة الفلانتين، منها مثلًا مفيش أي نوع من الضغط النفسي اللي ممكن تتعرضيه لو هو في حياتك».
وكتب «المهدي» منشورًا عبر خاصية «الاستوري» بحسابها الرسمي بموقع الصور والفيديو «إنستجرام»: «للأسف، عشان فشلت في حياتها الشخصية تريد أن يصبح جميع الناس مثلها، الفشل ليس عيبا ولكنه مجرد خطأ من الطرفين في العلاقة».
وأضاف: «أنا فشلت في تجربتين وبالطبع أخطأت في العديد من الأشياء؛ لأننا بشر ونتخذ قرارات متسرعة أحيانًا، ولكن هذا لا يعني أن الحب فاشل، خصوصًا أن حواء خُلقت من ضلع آدم».
وتابع: «مررت بشعور الوحدة من قبل، وهو صعب جدا، ومن ينكر هذه الحقيقة يريد أن يظهر أقوى لشخص ما أو حبيب سابق».
واختتم المهدي حديثه: «اللي هيفضل في حياتك هو الشخص اللي بيحبك وهيكمل معاك؛ لأن محدش فاضي سواء أخ أو أهل أو أصدقاء، متسمعوش كلام فاشل زي دا».
وسبق أن وجّهت المذيعة رضوى الشربيني، خلال برنامجها «هي وبس»، على شاشة «سي بي سي سفرة»، فوائد للبنات السينجل في عيد الحب.
وقالت خلال الحلقة: «للسينجل فوايد كتيرة خلال فترة الفلانتين، منها مثلًا مفيش أي نوع من الضغط النفسي اللي ممكن تتعرضيه لو هو في حياتك، انتي بتعيشي في سلام مفيش نكد، مفيش دراما، وطبعًا مفيش خناقة».
وتابعت: «وأنتي سينجل، مفيش مقارنات هتقومي بيها مع غيرك، انتي قاعدة برنسيس في نفسك، كمان من فوايد انك سينجل انك هتعملي فلوس ده أكتر وقت البنات تقدر تعمل فيها فلوس وتحوش».
وأكملت: «خلال فترة أنك سينجل بتكوني صاحبة قرارك وخاصة في الخروج قادرة تاخد قرارك من غير أي حسابات للشخص المرتبطة بة، كمان وقت السينجلة هو أكتر وقت بتعرفي تحبي نفسك فيه، وتوزعي حب على كل اللي حواليكي سواء الأب والأم»، وختمت حديثها: «وانتي سينجل أنتي عندك القدرة على الاعتناء الشخصي بنفسك من ماسكات وتمارين وجلسات عناية».
