حدده بالاسم.. تسريب لـ حمو بيكا يتهم مسؤولا بالموسيقيين بالحصول على رشوة من «عنبه وتيخا» | فيديو

ظهرت منذ قليل تسريبات صوتية لمكالمة بين حمو بيكا وشخص مجهول، يتهم خلالها الموسيقار «أ. ر»، المسؤول في نقابة المهن الموسيقية بالحصول على رشوة من أكثر من مطرب مهرجانات من أجل قيده بنقابة الموسيقيين، من بينهم عنبه وتيخا.

قال حمو بيكا في التسريب موجها حديثه لشخص مجهول: «أ. ر طالع في فيديو بيقول عنبه مقدم ورق مزور وشهادة جيش مزورة، وبعدها بأسبوع إداله كارنيه النقابة، ومعايا فيديو وصور وهو متصور في مكتبه وبيديله الكارنيه».

وأضاف حمو بيكا في المكالمة المسجلة: «معايا نور التوت عايزين يدفعوه 20 ألف، وتيخا دافع 20 ألف» وردا على سؤال الشخص الذي يحدثه عن كيفية معرفته بهذا الحديث قال: «إسلام على دافع الفلوس أول ما أحد الكارنيه قاللي أنا رايح أدفع للنقابة 15 ألف جنيه، وعاوزينه يجدد تاني يدفع 15 ألف جنيه تاني، وما أخدش إيصال بالفلوس اللي دفعها».

تابع بيكا: «أنا اشتغلت 15 أو 16 أوردر في الساحل كنت بدفع إيصالات، الناس دي ما ادتنيش ولا إيصال، كنت بدفع 15 ألف جنيه، وكانوا بيبعتوا زينهم علطول يحصل الفلوس، وكان بياخد الفلوس مني أنا ساعات، ومن المحل اللي هغني فيه ساعات، ما كنتش بطلع ياريس غير لما المحل يدفع الفلوس، يا إما أنا أدفع الفلوس، والإيصال المفروض يجي للمطرب مش للمحل».

واصل حمو بيكا: «إذا كان أنا اللي كنت بقوله أنا شغال في الحتة الفلانية، يقوللي هات الفلوس قبل ما تطلع، أكلم الناس أقولهم أدوله الفلوس، مش عايز يطلعني لما ياخد الفلوس، ولما جه حلمي قاله هات الإيصالات قاله هبعتهالك وبعد كده مابعتلوش حاجه، ونزلوني أوردرين، أورد في القاهرة وأوردر في الإسكندرية وماخدتش فيهم أجري».

وتحدث عن الموسيقار «أ. ر» قائلا: «و(أ. ر) خلاني روحت مضيت على عقد بتاع فيلم مكتوب في العقد إن المفروض آخد نص المبلغ 250 ألف وما أخدتش ولا جنيه، وأخدني وداني البيت بيتك، تمثيلية البيت بيتك دي، صورت فيها وعملت فيها كل حاجه وما أخدتش برضه أجري» وردا على سؤال من يهاتفه إن كان الأجر دفعته جهة الإنتاج أم لا قال: «أيوه الأجر اتاخد آه، الناس كانوا عاطيينه ظرف، عطاني من الظرف ده 10 آلاف جنيه بس، وأنا أجري 70 ألف جنيه، وجم صوروا عندي في الاستوديو».

كان حمو بيكا قد أثار الجدل مؤخرا بعد ظهوره في أحد البرامج التليفزيونية، حيث تحدث عن فساد داخل نقابة الموسيقيين.

 وقال خلال مداخلة هاتفية تجمعه بالفنان حلمي عبدالباقي ببرنامج «كلام الناس» الذي تقدمه الإعلامية ياسمين عز عبر قناة «mbc مصر»: «أقول كلمة واحدة الأول أستاذ حلمي عبدالباقي فوق دماغي، ولا يوجد بيني وبينه أي حوار، والكلام الذي صرحت به ليس موجه له، وفي لقائي القادم على شاشات التلفزيون هقول على اسماء الاشخاص الذين اتحدث عنهم حول الفساد داخل النقابة».

وأوضح: «في تصريحاتي لم أحدد المجلس كله، يوجد أشخاص حدث منهم واحد واثنين وثلاثة، وأعضاء المجلس على دماغي واولهم الاستاذ حلمي عبدالباقي، وتصريحاتي عن عدد من الناس في المجلس وليس أعضاء المجلس جميعا،».

وأضاف: «والرد على كلامي قريبا، وهيعرفوا من الشخص الذي اتحدث عنه وماذا فعل معي، ولكن بستغرب من المكالمات التي اتلقها، انزل احمي نفسك واعمل محضر، وانزل عشان منحبسكش، الامر مش تهديد».