«مش عايزاه بروطة»..هدى المفتى تكشف عن سبب رفضها الزواج | فيديو
تصدرت هدى المفتي محركات البحث بعد تداول أنباء عن علاقة عاطفية تجمعها بمغني الراب ويجز، جاء ذلك بعد أن تتبع وحلل رواد السوشيال ميديا بعض العلامات، والتي بدأت بوضع كلا من «المفتي» و«ويجز» أيقونة حمامة السلامة في الجزء الخاص بهما عبر موقع إنستجرام، وهو الأمر الذي لفت أنظار الجمهور.
تحليلات الجمهور قادت المفتي إلى التفاعل معهم بشكل غامض، حيث نشرت عبر حسابها على موقع إنستجرام فيديو وهي تنظر في المرآة على أنغام أغنية «بخت» أخر إصدارات ويجز عبر موقع يوتيوب، والتي حصدت أكثر من 3 مليون استماع ومشاهدة.
وفي لقاءات «المفتي»، صاحبة الـ27 عامًأ، نكتشف ما هي صفات فتي أحلامها، لنجد أن المفتي التي تخرجت في كلية الآداب – قسم الدراما والنقد المسرحي، ترفض فكرة الزواج من الأساس، لأسباب كشفت عنها في حوار سابق منذ عامين.
«أي الحاجات اللي بتعجبك في الرجالة، أو اللي أنتِ نفسك ترتبطي بيه».. سؤال طرحته الإعلامية سمر يسري، أثناء استضافة المفتي عبر برنامج حفلة 11، المذاع عبر فضائية «On»، وهو ما أجابت عنه بقولها:«مبفكرش في الشكل خالص، كنت مخترعة واحد من خيالي، مثلا عمر الشريف».
إجابة أشارت خلالها المفتي أنها قامت بالإدلاء بها منذ فترة من الزمن، وهو ما جعل يسري تسألها «ودلوقتي؟»، لتجيب المفتي «مبدئيًا بفكر أكتر عقلًا هيكون عامل أزاي، مش لازم نبقي شبه بعض، لكن على الأقل نكون بنفكر بنفس الطريقة، مش عايزة واحد بروطة، عايزة واحد بيشتغل عارف هو عايز أي، عنده طموح لأني إنسانة عندي طموح عشان محدش فينا يوقف التاني التاني».
وتابعت:«لازم يكون في دعم من الناحيتين، لازم يكون حنين أنا مبحبش الرجالة الشريرة خالص، بعرف أتعامل معاهم وابعدهم، مبحبهمش».
«جربتي الجواز قبل كده، لية بتقولي مش عايزة أتجوز وأنتِ لسة صغيرة؟».. سؤال حاولت من خلاله يسري، كشف السبب وراء تصريحات المفتي بأنها ترفض الزواج، وهو ما أكدت عليه بقولها:«لالا لسة ما تجوزتش، بس أنا حاسة أنه كخطوة دلوقتي مش مناسبة خالص، من الأخر بفكر في نفسي الأول، بفكر في حاجات معينة، ومش هقدر دلوقتي أكون مسؤولة عن بيت أو عن أطفال أو عن زوج، وأنا بحب لما أدي حاجة، أديها حقها».
«مضيعش وقتي خالص».. درس مستفاد أدركته المفتي من أخر تجاربها العاطفية، التي حكت عنها باقتضاب شديدة قائلة:«في رسايل كده بتجيلك أن الشخص ده ما ينفعش، لازم نسمع الرسايل دي بلاش عند يعني، في كذا رسالة جت لك أن الشخص ده ماينفعش يبقي خلاص».
