اللي اتقال امبارح قلة أدب وعيب..مرتضى منصور يهاجم محمود الخطيب ويحذر من ثورة جماهير الزمالك | فيديو
خرج المستشار مرتضى منصور رئيس مجلس إدارة نادي الزمالك، اليوم الأحد، في تسجيل مصور عبر صفحته الشخصية لكشف ما حدث له خلال الساعات الماضية.
وكان مرتضى منصور قد كتب عبر صفحته الرسمية فجر اليوم أنه سيصدر بيانًا يكشف فيه كل ما يتعرض له وكل ما حدث في الساعات الماضية وسيرد من خلاله على الأكاذيب.
وكانت بعض الأخبار قد رددت أمس السبت أن المستشار مرتضى منصور قد ألقي القبض عليه وهو ما نفته أجهزة أمنية، مؤكدة أن رئيس الزمالك كان قد حضر لجلسة محاكمته في 3 قضايا سب وقذف، وتم حجز القضايا للحكم في يوم 26 من شهر مارس الحالي وغادر بعدها المحكمة بشكل طبيعي دون أي مشكلات.
وقال مرتضى منصور في تسجيل عبر صفحته الرسمية اليوم: «كل يوم أصحى على قضية، من محمود الخطيب وهاني العتال وأحمد سليمان وممدوح عباس، وكلها ليس لها أساس من الصحة ولا يجب أن يتم نظرها أساسا أمام القضاء، ولكن الغرض إحنا عايزين نقرفك، وأنا عمري في حياتي ما هقول كلمة تسيء للنيابة العامة أو القضاء المصري اللي تشرفت بالانتماء إليهما سنوات طويلة من عمري».
وتابع مرتضى منصور: «اللي بيحصل زايد عن حده، أنا بحضر الجلسات وباخد براءة، وأنا مش خط أحمر ولا محمود الخطيب خط أحمر، بس أنا مش فاضي عندنا منشآت وتجديد لاعبين وأمور كثيرة داخل الزمالك تحتاج لتفرغي لها».
وأوضح مرتضى منصور: «فيه النهارده 3 قضايا وبكرة 3 وبعده 4 وكل يوم عادي، مش مشكلة يا محمود (الخطيب) أنا معنديش مشكلة خالص بس اتعامل زي ما أنا بتعامل، وقولت قبل كده إن حد قال لي الخطيب خط أحمر ومش هقول اسم اللي قال لي الكلام ده مش عايز أحرج حد».
وتابع مرتضى منصور: «ليه بنستفز جمهور الزمالك، بعد ما رجعت من المحكمة فطرت واتفرجت على الماتش والولاد النهارده أحسن وبعد المباراة قلت أنام شوية وصحيت لقبت الدنيا مقلوبة مرتضى محجوز مرتضى مسجون.. دي قلة أدب وعيب».
وأضاف رئيس الزمالك المستشار مرتضى منصور: «أنا ولا شعرة في دماغي بتتهز إنما انتوا بستفزوا جماهير الزمالك، البلد مش ناقصة، وخسرنا سياحة روسيا واوكرانيا والبترول والقمح من البلدين دول قفلوا خلاص، ما أهو انتوا لما جماهير الزمالك تعرف إن رئيسهم محبوس بدون وجه حق مش هتسكت، أنا مش فوق القانون بس غيري ما يبقاش فوق القانون».
