مش بناكل من الجنة.. الرئيس السيسي يكشف كيف يتعامل مع الأسعار وإدارة السفرة في بيته

قال الرئيس عبد الفتاح السيسي، مطمئنًا المواطنين بشأن السلع وتوافرها بالأسواق قبل شهر رمضان: هاقول لكم على حاجة، ووزير الدفاع يشهد عليَّ، وأنا وزير دفاع قُلت لهم لو سمحتم حطوا طبق واحد، والطبق ده يبقى فيه يا فراخ يا.. مش عارف الكلام ده مناسب ولا إيه، هو فيه إيه؛ كفاية إننا نشوف بعض.. الدول مش بتتعمل بالأماني والأحلام والكلام، لكن بالجهد والمثابرة والوعي.

وأضاف السيسي، خلال حضوره احتفالية تكريم المرأة المصرية والأم المثالية، الأربعاء: احنا عندنا مشكلة؟ لا والله، اعملوا اللي انتم عايزينه، انزلوا عبُّوا، لسه الجيش منزل 2 مليون كرتونة، وممكن ينزل 20 مليون كرتونة، وعاملين حسابنا على كل حاجة.

وأضاف السيسي: آه حطينا فلوس كتير؛ لكن لقينا تمن اللي بنفقده سنويًّا، حوالي 20% من اللي موجود؛ هانقول احنا بنستهلك 17 أو 15 أو 10 ملايين طن قمح، طب الـ20% يعني 2 مليون، تمنهم كام؟ بنسيبهم في أماكن مفتوحة، ولما عملناهم النهارده مخزون القمح بقى يكفي 4 أشهر.. وماعندناش مشكلة لا في سلع أساسية ولا أي شيء، حاجتنا موجودة وبزيادة وده بفضل ربنا.

واستطرد الرئيس: حَد يطلع على التواصل الاجتماعي يقول لك السيسي بيقول لنا ما تاكلوش، اعملوا اللي انتم عايزينه.

وتابع الرئيس السيسي: في البيت باقول كده وباعمل كده، ما أنا مش رئيس والله، والله أنا ما رئيس.. لو حَد جِه عندنا يقول أكيد السفرة بتاعته مختلفة، بناكل من الجنة.. أنا باسأل الأسعار بكام، وأقول لهم هاتوا ده وما تجيبوش ده، آه باعمل كده والله.