قتلوه بطريقة مروعة.. ثورة غضب على السوشيال ميديا للقصاص من قتلة مصطفى سراج بدمياط | شاهد
موجة من الغضب الممزوج بالتعاطف والرغبة في أخد الحق أثارها مقتل شاب يدعى مصطفى سراج على يد أحد جيرانه بسبب خلاف بسيط، إذ دشن مغردون هاشتاج بعنوان «حق مصطفى سراج»، ليتصدر قائمة الأكثر تداولًا عبر موقع تويتر خلال ساعات قليلة من صباح اليوم الأحد.
الرواية المتداولة منقولة على لسان صديق الشاب الراحل، ويقول خلالها: «ده صاحبي اسمه مصطفى سراج مات مقتول.. مصطفى شغال في مطعم ما في دمياط الجديدة ورديتين وبيرجع على السكن بتاع الشغل ينام وكان له جيران، الناس دي عاملة شغب في العمارة ومعروف إن هم مش مظبوطين، مصطفى اتكلم مع الناس وقال لهم بلاش إزعاج علشان إحنا بنرجع من الشغل تعبانين ننام ونصحى الصبح على الشغل، الناس معجبهاش الكلام».
وأضاف: «فجر الخميس واحد منهم اتهجم على مصطفى ورمى في الشقة بنزين ورمى مولوتوف على مصطفى وولع فيه.. مصطفى جري على تحت يستنجد والشخص مكتفاش ورمى عليه واحدة كمان.. الناس حاولت تلحق مصطفى وودوه المستشفى بس للأسف ساعات وصاحبي مات».
وتابع: «أهل مصطفى رفعوا قضية والناس بتحاول تتبلى على صاحبي بقضية قصادها علشان حقه يضيع.. مصطفى يشهد الناس على طيبته وطهارته وشخص عارف ربنا وعمره ما يفكر يإذي نملة أرجوكم شيروا البوست ده علشان حق صاحبي ميروحش».
ولاقى المنشور تفاعلا واسعا وتمت إعادة مشاركته على نطاق واسع، وأبدى مغردون تعاطفهم مع القضية، وقال أحدهم: «والله يصحبي الواحد مش مستوعب لحد دلوقتى أعرفك من زمان جدا من أكتر الناس القريبة لقلبي والله ربنا يرحمك يا أطيب خلق الله».
والله يصحبي الواحد مش مستوعب لحد دلوقتى اعرفك من زمان جدا من اكتر الناس القريبة لقلبي والله ربنا يرحمك يا اطيب خلق الله
وعلق شخص آخر قائلًا: «فعلوا الهاشتاج، ساعدونا نرجع حق مصطفى، ربنا يرحمه ويغفرله وينور قبره ويصبر أهله ويصبرنا».
فيما علق حساب آخر قائلًا: «مصطفى مماتش قضاء وقدر يا جماعة.. مصطفى اتقتل بأبشع طريقة من غير ما يرتكب أي ذنب ولازم حقه يرجع».
