مصطفي الاباصيري يكتب..عمرو دياب موظف حكومة ؟

الموظفين في مصر معاناة كل العصور وخاصة في مصر فكنت اري والدي ووالدتي  كيف يتحدثون عن عمل الجمعيات والمرتبات  والاثر الرجعي ورفع القضايا لاسترداد القليل   مصطلحات استيقظت  فجاة عل معانيها التي توحي بمعاناة الموظف في مصر 

في مقالي اوضح الفرق بين عمرو دياب الموظف  وعمرو المطرب  والمقال للمقارنة وليس دعوة للحسد او الغل فهي ارزاق وزعها الخالق 
فالموظف في العمل مع الزملاء والمدير فريق عمل ناجح او فاشل    الخص المعاناة في بعض النقاط تسهيلا عل القارئ 
 

الناس كلها تبص في صور عمرو دياب ويقولو شوفو بيصغر ازاي!!
_شوفو ده منظر واحد عنده 60 سنة ده بيعمل بوتوكس ده بيشرب اوكسجين
وهكذا من القر اللي مالوش نهاية
.
الحقيقة ان الهضبة لا كبر ولا صغر ولا اي حاجة وشكله طبيعي جدا بالنسبة للحياة اللي هو عايشها
.
_  الهضبة مش بيشتغل مندوب مبيعات وبيقعد يلف علي العملا طول النهار زي بقيت الشباب اللي بنشوفها 
_  ولا حتي موظف في بنك شعره وقع من كتر الحسابات والعهدة مع انه بياخد مرتب كبير بس الغلطة بفورة 
 

_  الهضبة مدير نفسه معندوش مدير رخم ورخم قارفه في عيشته وبيفكره بالأنتحار كل ربع ساعة
.
 _الهضبة مش متجوز مدام هناء الموظفة اللي طول النهار تقوله البيضة بقت ب 2 جنيه ونص ياعمرو والعيال هتجوع يا هضبة 
.
 الهضبة مبيروحش بعد يوم 14 ساعة شغل يضرب طاجن البامية وينام دة لو لاقي البامية دلوقتي 
 

_لو حصل واتصل بمراته وهو في الشغل مبتقولوش هات بامبرز وفينو وانت راجع
_وطبعا ما بياخدش الزبالة وهو نازل
.
_  الهضبة بيشتغل شغلانة بيحبها وده في حد ذاته يخليه يرجع طفل صغير من السعادة
_الهضبة في اجازاته بيروح جزر واماكن حلوة تفتح النفس مش بيقعد عالقهوة يفكر هايجيب فلوس مدارس العيال منين

 _الهضبة مرتبه ما بيخلصش يوم 15 ويقعد يفكر هيعدي باقي الشهر ازاي
.
_  ولا بيصحي من النوم مفزوع وينزل جري علي ملي وشه عشان يلحق يمضي
.
_  الهضبة مش بيصغر ولا بيكبر انتو اللي عيشتكو مرار طافح    
نظرة من الحكومة للموظفين  بلاش نبقي زي الهضبة  --  بس بلاش نشيب بدري