محدش يعرف يجبرني على شيء.. رد ناري من أمير عيد على منتقدي إعلان حياة كريمة
وجه أمير عيد، مطرب فرقة كايروكي، رسالة إلى منتقدي أغنية «أهلا وسهلًا شرفتوا» للترويج لمبادرة رئيس الجمهورية لتطوير قرى الريف المصري «حياة كريمة».
وكتب أمبر عيد عبر حسابه الرسمي على «تويتر»: «كل اللي بيزايدوا وبيحكموا بتوع كلام ميعرفوش الحقايق والنوايا، ومفيش حد يعرف يجبرني على شيء ولا يشتريني، ولا أنا بنهزم».
وأضاف أمير عيد: «أنا مش بتاع سبوبة، وبعمل كل ده كل سنة بدون أجر وعن اقتناع وللخير، وأنا اللي بسعي من غير ما حد يطلب، ومكنتش أحب أقول كده بس حبيت أطمن أي حد مصدق فيّ أو متشكك عن حب».
من جهة أخرى، أكد أمير عيد أنه لم يقتبس لحن الموسيقار سيد مكاوي في إلإعلان الخيري الذي قدمه وبدأ بثه عبر الفضائيات ومنصات التواصل الاجتماعي.
وأضاف «عيد» في تغريدة له عبر حسابه الرسمي على «تويتر»: «حد بعتلي التويته دي وحبيت أوضح أنا مش بائس، أنا في حتة حلوة وبحاول أرجع الحياة تاني، ويبقي ليا دور وأعمل خير، ثانيا أنا عمري ما سرقت لحن، واللحن بتاع سيد مكاوي والشركة بتمتلك حقوقه، والموضوع مقصود ومحدش سرق حد، أخيرا الواحد بيجتهد وبيسأل وبيتوكل على الله وبيصدق النية».
كان عدد من متابعي مواقع التواصل الاجتماعي انتقدوا عدم الإشارة أو وضع اسم الموسيقار الراحل سيد مكاوي على الإعلان الخيري الذي شارك في تقديمه المطرب أمير عيد وحقق تفاعلا كبيرا خلال الساعات الماضية.
