لقطات صادمة..لحظة دهس موتوسيكل للمارة قبل الإفطار بدمياط | فيديو
تداول نشطاء مواقع التواصل الاجتماعي مقطع فيديو لحادث وقع في شارع الشرباصي بمحافظة دمياط، حيث رصدت كاميرات النشطاء شخصا يركب دراجة بخارية "موتوسيكل" يقوده بسرعة وسط تجمع من الناس داخل أحد الأسواق، قبل الإفطار الأحد، الأمر الذي أدي لدهس عدد من الأهالي وسقوط قائد الدراجة البخارية على الأرض.
لحظة دهس المارة بدمياط
وأثارت سرعة قائد الدراجة البخارية "الموتوسيكل"، وسط المارة ودهسه لعدد منهم، الى غضب نشطاء مواقع التواصل الاجتماعي، وخاصة من سكان محافظة دمياط، الذي أكدوا خطأ قائد "الموتوسيكل" الذي دهس المارة بسبب قيادته السريعة، التي وصفت بالمتهورة، وسط المارة في شارع ضيق.
قال علي الشامي:" حادث مروع قبل الفطار في الشرباصي… لما بنتكلم عن الشرباصي والإشغالات كلكم بتقولوا حرام اكل عيشهم ما تسبوهم في حالهم مش ده اللي بيحصل ما نتكلمش تقولوا مش بتكلموا ليه...".
كما قال أحمد أبو يوسف: "الغلط من سواق الماكنه"
واضاف هاني ابن عامر: "الشارع كله بقي بطلجيه وبياعين وفرده وكلنا عارفين أن الشارع ده طول عمره أهله واهل منطقته ناس محترمه جدا لحد ما طفشونا منها وصدقني الغلط مش منهم الغلط من الناس أنهم سمحو ليهم أنهم يبقو كده...".
وقالت أمة الله: "والله مابنعرف نمشى فى الشرباصى من الاشغالات الا فيه".
واضافت عزة عيسى: " المكان لايطاق من الباعه وفارشين بطريقه حق الامتلاك غير اسلوبهم غير اللائق ربنا يرحمنا منهم ياريت تبقى في دوريات فى الشارع بعد الحمله ماتمشى يرجع كل شئ كما هو عليه".
وتابع محمد المنياوي: " ياجماعه لازم يبقى فيه رقابه حكوميه... الموتوسكلات بتمشي في التجارى والشرباصى بسرعه رهيبه وموتسكلات بدون نمر".
وقال: تامر مراد عوض العفيفي "وطفل في ميدان سرور يتشاط عند بيتزا بارتي ويتصاب اصابات بالغه والعيل اللي سايق الناس تمشيه عادي ومفيش مشاكل ولا نمر ولا حد بيظبط الشارع.... الظاهر ان مرور دمياط مستني مصيبه زي اللي حصلت السنه اللي فاتت بسبب عربيه طايشه يقودها عيل شاط الناس عند مدرسه اللغات واصطدامه فالنهايه بمطعم شهير بجانب مدرسه الشرباصي... لابد من زياده الحملات الامنيه باي شكل".
واضافت تيته آسر شفيق:" لاحول ولا قوة الا بالله المفروض يمنعو الموتوسيكلات والعربيات في الشوارع دي ربنا يستر".
وتابعت سارة السعيد: "والله كنت لسه بقول امبارح الدنيا زحمه جدا جدا وموتوسيكلات راحه جايه وعربيات كمان. الشارع مش مستحمل ربنا يشفيها يارب".
يذكر أن شارع الشرباصي في دمياط يُعد أحد أبرز الشوارع التجارية في المحافظة، ويعج بالمارة ما بين شراء الحلويات أو الاحتياجات المرتبطة بالشهر الفضيل في المحلات المتراصة.
وكان أهالى وسكان شارع الشرباصى بدمياط قدموا شكوى لمجلس مدينة دمياط بسبب انتشار الإشغالات من قبل بعض المحلات التى تسببت في غلق الشارع الرئيسي والشوارع الجانبية.
كما اشتكى سكان الشارع التجارى الشهير والمكتظ بالباعة والزبائن طوال اليوم من عدم قدرتهم على دخول منازلهم بعد أن احتله الباعة الجائلين وأصحاب المحلات.
