هو أنا مرات أبوها..انتصار تكشف كواليس خلافها مع شيماء سيف وتهاجم محمد رمضان | فيديو

هاجمت الفنانة انتصار، شيماء سيف، بعدما قالت إنها تآمرت عليها من أجل إبعادها عن برنامج «نفسنة»، موضحةً: «سمعت إيه من كلامنا، دي محسساني إنها كانت في بنها وجات عدت من قدام الاوضة اللي كنا بنتكلم فيها عليها».

وأضافت انتصار، خلال حوارها مع الإعلامية بسمة وهبة مقدمة برنامج «العرافة»، على قناة «المحور»: «هي عاملة مسلسل، وبتقول ماشية وعديت قدام الباب وواجهتهم وفتحت الباب، معندهاش حاجة تتكلم فيها في البرامج، وبتدور على أي حاجة تتكلم فيها، فمين مشهورة في حياتها عشان تتكلم عليها؟! انتصار».

وتابعت: «طول النهار بسمع سيرتي في البرامج، طول النهار أسمع سيرتي ومش بعلق، مش برد عليها، اتكلمنا عليها في الغرفة، كنت بنتكلم على حاجة في الشغل، كنا بنقدم البرنامج 3 مع بعض، أنا وهي وهيدي كرم، مشاكلها كتير، وعشان كده طلعنا نتكلم، بتقطع في الكلام».

وأردفت: «كنا بنتكلم على برنامج ومشاكل الشغل العادية، إيه اللي خلى مشاكل البرنامج تطلع في البرامج، أي شغل فيه مشاكله، لكن أنا شغلانتها، وطول النهار تتكلم في سيرتي، رغم إن البرنامج بقاله 5 سنين مش بيتعمل، ده لو جريمة كانت سقطت.. شايلة مني ليه؟! هو أنا مرات أبوها».

وقالت الفنانة انتصار، إن علاقة وطيدة تجمعها بالفنان محمد رمضان، موضحةً: «مزعلش مني لما قلت إنه ما نامبر وان، علاقتي قوية به بدرجة أكبر من إنه يزعل منه».

وأضافت انتصار: «بمثل له حاجة مهمة، وهو يمثل لي ذكرى مهمة ذكرني بها، كان لسه مش معروف وصغير شوية عن كده، كان بيمشي مع صاحب شبهه أوي في مسرح البالون، وكان بشنطة هاند باج على كتفهم كأنوا خارجين من المدرسة».

وتابعت: «دخلوا مسرح البالون، كنت واقفة مع الفنان الراحل إبراهيم نصر، والمخرج الراحل محسن إبراهيم جوه الخشبة، ولقيت 2 صغيرين ورفيعين، كنا بنعمل حاجة للشغل، وانا الوحيدة اللي انتبهت لمحمد رمضان وصحبه، فقالي إحنا بنلف في المسارح وبندور على شغل وفرص، وقلت له انت عاوز تعمل ايه، إحنا بنعمل بروفات وممكن المخرج يزعق».

وأردفت: «محمد رمضان كان عارف إن ده محسن حلمي وقالي عاوزين نوري له إننا بنعرف نمثل، فاستأذنت المخرج، ولما لقاني متحمسة قالي هاتيهم، قلعوا الشنط وقلد أحمد زكي أو محمد سعد وجابه بالظبط، وزميله عمل الشخصية التانية، وقعدوا وقت كتير، فأنا صفقت، وقلت لهم لازم يمشوا، عشان كنت خايفة أتشاط من المخرج وإبراهيم نصر، وفضلت أساعدهم عشان كنا بالليل».

وواصلت: «كنا في مهرجان القاهرة السينمائي الدولي، تم عرض فيلم له سوسن بدر، وسلم عليّ، وقالي ازيك يا انتصار، فقالي انتي مش فاكرة!؟ قالي أنا الولد الصغير اللي كان معاه صحبه على مسرح البالون وفكرني بالموقف