مصطفي الاباصيري يكتب..مدينتي ومدينتهم
في مقالي البسيط اوضح ان في ناس عايشة كويس جدا ؟ وناس تانية كويس انها عايشة ؟
بعض النقاط هاتلاقيها اوفر شوية وتخيلية وفيها اسقاط
ابناء المدينة الفاضلة (مدينتي ) يتحدث
٣٣ حاجة لازم تعرفها عن مدينتي:
١- احنا في مدينتي مابنصومش عشان " دايما علي سفر "
٢- وحتي لو صومنا الفجر عندنا بيدن الساعة ١٠ الصبح.
٣- والمغرب علي ٣:٣٠
٤- صحيت قبل الفجر الساعة ٩ على صوت فرقة بتلعب Hard rock في المساحات الخضرا الشاسعة والشوارع وواحدة بتغني في المايك wake up sleepy head - wake up and obey God فا عرفت ان ده المسحراتي.
٥- كل حاجة موجودة في مدينتي ماعدا موائد الرحمن عشان ماعندناش حد فقير.
٦- الكنافة في مدينتي بتتعمل بالريد واين.
٧- في صلاة التراويح في مدينتي لمًا الامام بيدعي " ولا تجعل لنا دينا الا قضيته " ماحدش بيقول آمين.
٨- في مدينتي البنزين يغلى البنزين يرخص.. هي حطلي بـ ٥٠٠ جنيه ٩٥!
٩- الديليفيري في مدينتي بيجيلك بموتوسيكل هارلي.
١٠- في مدينتي الـ ATM مفيهاش عربي.
١١- في حنفية في المطبخ بتنزل بيبسي في الايام العادية وفي رمضان بتنزل تمر هندي وفي العيد بتنزل جاك دانيالز.
١٢- احنا في مدينتي لما تليفونّا يفصل شحن، بنشتري تليفون جديد.
١٣- طلعت مصطفي دافعلنا اشتراك كارتة طريق السويس عشان مش معانا فلوس مصري.
١٤- في مدينتي طلعت مصطفي دفع لكل السكان اشتراك النادي مدى الحياة عشان مش معانا فكّة.
١٥- محل اخر العنقود في مدينتي بيبيع كل حاجة بـ ٢،٥ مليون دولار.مش اي حاجة ب2 جنية ونص
١٦- احنا في مدينتي لما بنيجي نخرج.. بنخرج بعفو رئاسي.
١٧- لما بنقعد في كافيه في مدينتي بنحاسب بالـ bitcoin.
١٨- في العيد الكبير بندبح غزلان.
١٩- العيدية بتبقي كروت فيزا.
٢٠- الكحك بيبقي بالكاجو.
٢٢- في شم النسيم بنملّح سمك دينيس وبناكل البيض scrambled eggs with pastirma
٢٣- في راس السنة بابا نويل بيجي ياخد من السكان هدايا.
٢٤- مرة واحد كان جاي زيارة وراكب مرسيدس موديل ٢٠١٨ الأمن وقفه سأله حضرتك جايب اوردر؟
٢٥- البنوك في مدينتي دايما فاضية عشان ماحدش محتاج قرض!
٢٦- مرة حصلت حريقة في مدينتي فا كلمنا Nestle وجم طفوها بالمياة المعدنية.
٢٧- فيه محلات فول في مدينتي. بنفطر باتنين مليون جنيه فول، كل مليون لوحده.
٢٨- لما هدومنا بتتوسخ بنديها لجيرانا الغلابة في الرحاب وبنشتري غيرها.
٢٩- كشري التحرير فاتح في مدينتي بإسم independence koshary !
٣٠- ليه مافيش مبدعين في مدينتي؟ عشان الابداع يولد من رحم المعاناه!
٣١- في مدينتي الاطفال بتاخد مصروفها باليورو.
٣٢- مرة واحد من مدينتي طلعله مصباح علاء الدين قاله نفسي احس بالفقرا فا خلاه يسكن في الـ B10.
٣٣- مدينتي.. فيها كريم ونورا ومخرج بيقول كوت مش كات،
وفي النهاية يبقي المال المحرك الرئيس في الحياة فابتلاء الفقير الصبر والعوز وابتلاء الغني في كيفية صرفها
مفيش حاجة اسمها في سواسية الغني والفقير الكلام دة فوق مش تحت تحت الغني ياكل ليستمتع بالمذاق اما الفقير ياكل لكي يشبع
ليس حقدا او حسدا فالكل مقدر له رزقة انا حبيت اوضح الفرق بين مدينتي ومدينتهم
