ترابيزة عليها 8 عاهات.. هجوم ناري من ميمي جمال على «أصحاب ولا أعز» | فيديو

تحدثت الفنانة ميمي جمال عن رأيها الشخصي في فيلم «أصحاب ولا أعز»، بطولة الفنانة منى زكي.

وقالت الفنانة ميمي جمال، خلال لقائها مع الإعلامية راغدة شلهوب، في برنامج «سابع سما» الذي يعرض على شاشة النهار: «منى زكي تمام كممثلة، لكن الفيلم الأخير سوء اختيار، منى عملت الدور كما يجب لأن الشخصية كده، بس استغربتها، مش ده اللي متعودة عليه منها، وهي حبت تعمل حاجة جديدة، واحنا لينا طبع، والنوع ده من الأفلام مش طبعنا».

وتنتقل للحديث عن أفلامها القديمة والتي كان بها مشاهد أقوى من ذلك، قالت: «كان فيه ميكرو جيب وقبلات، لكن مكنش فيه مشاهد كان كله بالإيحاء، موجة البحر تعمل تش، فنجان قهوة فار، كلها إيحاءات».

وأضافت: «في ترابيزة عليها 8 عاهات، كلهم فيهم ديفوهات، يعني مثلا احنا شوفنا فيلم عمارة يعقوبيان، لقينا في مشكلة خالد الصاوي، لكن احنا بنتفرج على بقيت الفيلم فيه كذا شخصية، لكن هنا قاعدين على ترابيزة كلهم مع بعض».

وتابعت: «ومن الآخر أنا بسمي دا سوء اختيار، لكن هي كممثلة عملت الدور صح».