ناس مريضة.. عمرو عبدالعزيز يشتبك مع متابعيه بسبب محمد فراج وبسنت شوقي | شاهد
انتقد الفنان عمرو عبدالعزيز حالة الهجوم والجدل التي سببها حفل زفاف الفنانين محمد فراج وبسنت شوقي الذي أقيم أمس في الغردقة بعد ساعات من إقامتهما حفل حنة قبل الزفاف تناقلت صوره مواقع التواصل الاجتماعي.
ودافع «عبدالعزيز» عن حق الفنانين في إقامة حفل زفاف موضحا لمتابعيه الذين سألوا عن إقامة فراج وبسنت حفل زفاف سابق: «دي كانت خطوبة السنة اللي فاتت».
وكتب عمرو عبدالعزيز عبر حسابه الرسمي على موقع فيسبوك: «على الناس المريضة اللي بتكتب كلام وحش شبه وشهم كده على فرح فراج وبسنت، ليه يا جماعة الناس بتكتب كلام وحش؟ لتقل خيرا أو لتصمت بدل ماتقولوا ربنا يسعدهم أو تتمنولهم الخير، ليه بتقولوا كلام زى ده على ٢ في يوم فرحهم وتقولوا كلام يجرحهم؟».
وتابع: «تخيلوا كده لو يوم فرح ابنك أو اخوك أو بنتك وحد كتب كومنت زى اللى انتوا كاتبينه ده وانتوا جيتوا بعد كده شوفتوه هيبقى احساسكم ايه وقتها، مانجرحش الناس وندايق الناس لو سمحتوا، اتمنوا الخير والفرحه للناس».
واستطرد: «واحد وواحده فرحانين أن ربنا كرمهم واتجوزوا بعد تعب ومجهود سنين، بجد الناس بقت وحشة قوى والخوف منهم بيزيد يوم بعد يوم».
وتوالت التعليقات على عمرو عبدالعزيز، والتي جاء بعضها مباركا للعروسين ومشيدا بموقف عبدالعزيز في الدفاع عن زميليه، في حين جاءت تعليقات لتهاجم عبدالعزيز وكتب متابع: «مبدأيا يانجم ف الحالات اللي زي دي مينفعش غير أن نقول ربنا يصلح حال الجميع للشئ اللي يرضيه».
وتابع: «دول مسؤولين عن تصرفاتهم لان دول مشاهير فيجب عليهم المحافظه ف الشكليات».
ليرد عمرو عبدالعزيز:«ياسيدي انت مالك اولا دى اول جوازه ليهم، ثانيا أن شالله الواحد يتجوز كذا مره مش على سنه الله ورسوله انت زعلان ليه».
وعلق آخر: «ضريبة السوشيال ميديا، هتحط حياتك وتعرضها عالانترنت.. يبقى تستحمل الكلام اللي يتكتب ولازم تتقبل كل الاراء انت اللي اخترت، اما انك تعيش حياتك في صمت وفي هدوء وبعيد عن الانترنت واللايكات والمشاركات بشكل عام».
