اوعى تحط رجل على رجل وتتكلم في موضوع وأنت متعرفوش.. السيسي يوجه رسائل نارية ويزف بشرى سارة للمزارعين | فيديو

أكد الرئيس عبدالفتاح السيسي قدرة الدولة على توفير التقاوي اللازمة لزراعة القمح، بما يحقق أكبر استفادة للمزارعين.

وقال السيسي، خلال افتتاح مشروع «مستقبل مصر» للإنتاج الزراعي السبت: «هنقدر نوفر تقاوي للزراعة تكفي طلب القمح، ويهمني الفلاح يستفيد».

وأضاف الرئيس: «هنقدر نوفر للفلاح التقاوي المطلوبة اللي تحقق إنتاجية كويسة للفلاح ولينا»، مؤكدًا ضرورة تذليل المعوقات التي تواجه المزارعين.

ووجه الرئيس حديثه للمزارعين، قائلًا: «رسائلنا للمزارعين هي خلوا بالكم وإحنا هنقدر نوفرلك التقاوي المطلوبة اللي تقدر تحققلك إنتاجية كويسة ليك ولينا».

وتابع الرئيس: «ما تم إنجازه من مشروعات خلال السنوات الماضية جاء بناء على دراسات وعمل لجان من كبار المتخصصين وأساتذة الجامعات».
وقال الرئيس عبدالفتاح السيسي إن مشروع توشكى عندما توقف قبل ذلك لم يكن بسبب الاختيار الخاطئ للمشروع أو اختيار المكان، لكنه توقف بسبب عدم القدرة على التركيز.

وأضاف الرئيس السيسي، خلال افتتاح مشروع مستقبل مصر، اليوم السبت: الجيش في مصر مش بيحارب الإرهاب فقط، الجيش في مصر حارب التخلف وعدم قدرة الدولة على التنفيذ بجانب رجال الأعمال والمستثمرين.

وتابع الرئيس عبدالفتاح السيسي: "الهيئة الهندسية أنفقت تريليونات الجنيهات علشان ننجز ده مع دولة بتنمو 2 مليون على الأقل في السنة.

وأشار الرئيس إلى أن مشروعات الزراعة وصلت تكلفتها لـ 434 مليار جنيه حتى الآن لزراعة 3 ملايين فدان.

ود الرئيس عبدالفتاح السيسي على الانتقادات الموجهة للحكومة بشأن الأولوية في المشروعات التي تنفذها الدولة، قائلا: "اوعى تحط رجل على رجل وتتكلم في موضوع وأنت متعرفوش".

وقال الرئيس السيسي، خلال افتتاح مشروع مستقبل مصر، اليوم السبت: "كلامي في مثل تلك الافتتاحات أو متابعة المشروعات الهدف منه إننا نفهم بعضنا البعض كل فيما يخصه الحكاية إيه.. مثال على ده، بيتقال البنية الأساسية للموضوع، تفتكروا مشروع زي ده بياخد كهرباء أد إيه، 1250 ميجاوات، تفتكروا لو كانت أولويات الدولة خلال السنوات السابقة مش داخل فيها الكهرباء كان إيه هيحصل".

وتابع السيسي: "الكلام اللي بيتقال يهمني أرد عليه مش نظري بس، لو بنتكلم على 1200 ميجا للزراعة ومكنش عندنا كهرباء تكفي البيوت، هل كان ممكن حد ياخد قرار يجهز بلد في فترة الحفاظ على بقائها من 7 سنوات من غير ما ياخد الإجراء ده، طيب المستشفيات اللي مفيش فيها كهرباء والبيوت اللي بتتقطع فيها الكهرباء في اليوم مرة واتنين وتلاتة هتعمل إيه".

وواصل الرئيس حديثه: "مكنش ممكن نتكلم في بناء مشروع زي ده أو اللي موجود في توشكى وتقولي خلي أولويات الكهرباء لمرحلة متأخرة وكذلك حجم الطرق، طريق الضبعة بيتوسع ويتم رفع كفائته، حد يقول ممكن نأخره.. انتبه اوعى تحط رجل على رجل وتتكلم في موضوع وأنت متعرفوش والناس تسمعك ويفتركوا اللي بتقوله حقيقي ويبقى أنت ظلمت نفسك وظلمت الكلام".

وأضاف الرئيس: "بنتكلم في مشروع 2.5 مليون فدان، تقريبا ممكن يكون 25% من الأرض الزراعية الموجودة على مساجة مصر بالكامل على مدى آلاف السنين، والنهاردة في الريف مش بظبط الكهرباء والمياه والطرق وعناصر أخرى في مشروع حياة كريمة والمشروع ده مع الأسعار اللي حصلت ممكن يمتد لتريليون جنيه ولا حاجة".​

وشهد الرئيس عبدالفتاح السيسي، اليوم السبت، افتتاح مشروع «مستقبل مصر» للإنتاج الزراعي الذي يعد أحد أهم المشروعات القومية الكبرى التي دشنتها الدولة.

ويقع المشروع على طريق القاهرة ـ الضبعة، ويهدف إلى تعظيم فرص الإنتاج وتوفير منتجات زراعية بجودة عالية وأسعار مناسبة للمواطنين، وسد الفجوة بين الإنتاج والاستيراد وتحقيق الأمن الغذائي والاكتفاء الذاتي من السلع الاستراتيجية.

وحضر الافتتاح رئيس الوزراء الدكتور مصطفى مدبولي، ووزير الدفاع والإنتاج الحربي الفريق أول محمد زكي وعدد من الوزراء وكبار رجال الدولة.

وبدأ الافتتاح بتلاوة آيات من الذكر الحكيم بصوت القاريء شريف السيد خليل.