تساومني وتهددني أنا.. أول تعليق من سالي عبدالسلام بعد القبض على المتهم بالتحرش
في أول تعليق للإعلامية سالي عبدالسلام، بعد إلقاء الأجهزة الأمنية القبض على الشاب المتهم بالتحرش بها، بإحدى محطات الوقود بالتجمع الخامس، نشرت عبدالسلام صورة لها عبر خاصية «الأستوري» بحسابها الرسمي بموقع الصور والفيديو «إنستجرام»، من أمام محكمة القاهرة، معلقة: «مش هبقى زعلانة وهرفع رأسي واللی مش عاجبه يتفلق وهنمشي في الشارع بأمان وأقسم بربي لتبقى عبرة لكل متحرش! وتساومنى وتهددنی انا ؟؟! متفکرش انی هسیب حقی أو حق ای بنت اتحرشت بيها وصورتها أو أذيتها نفسيًا».
وأضافت عبدالسلام: «شكرا لكل الأجهزة الأمنية اتکلمی متخافيش! اوعى تخافی احنا على حق».
كانت الإعلامية سالي عبدالسلام كشفت قبل أيام عن تعرضها للتحرش من قبل أحد الأشخاص أثناء احتساء القهوة في إحدى محطات الوقود.
ونشرت «عبدالسلام» مقطع فيديو عبر حسابها الرسمي بموقع «إنستجرام»، صورته أثناء الواقعة، معلقة: «امسك متحرش مش هنسيبكم ده واحد وانا قاعدة من شوية في العربية ومنزلتش حتى بشرب كوفى انا وريم صاحبتى في البنزينة اللى جمب بيتى جه يستظرف «معاكى شاحن؟؟»، رديت بكل أدب لا وداخل بدماغه يشوف!! بعدها انتى متضايقة ليه!!؟ قولتله حاجة متخصكش واتفضل امشى!! لااااا متكلمنيش كده!!! قولتله اتفضل من هنا!! مفيش!!!!».
وأضافت: «ولسه هيقل أدبه ويستظرف تانى صورته فيديو!! ما الناس اتلمت بيقولهم كنت بطلب شاحن! الرجالة بقيت بتقوله هو معلش!!! السؤال هل هو العادى أن أي حد ممكن يكلم بنات ويستظرف ويدخل جوا العربية وعايزنا نسكت؟؟! ليه!!!؟؟؟ احنا حصلنا إيه؟؟؟! وده رقم عربيته انا هعرف اجيب حقى إن شاء الله (ا ع ق ٧٤٣١) السؤال بقى هو مين ده؟؟ وهل ده عادى؟ في بنات هتقبل ده عادى!! مجتمعنا شايف انه عادى؟ ولما اقوله امشى ميمشيش».
