مش منحلة علشان أمشي معاك في الحرام.. تطورات مثيرة في أزمة محمد الشقنقيري مع رحيل ذكري

أصدر الفنان محمد الشقنقيري، بيانا عبر صفحته الشخصية علي موقع التواصل الاجتماعي فيس بوك بشأن عارضة الأزياء رحيل ذكري.  

وأكد الشقنقيري:" يا جماعة دي الصفحة الرسمية الوحيدة لي وأي خبر متداول علي أي صفحة من صفحات التواصل الاجتماعي ليس له أي علاقة بي فأنا حتي الآن لم أصرح بأي شيء لأي جهة إلا للجهات الرسمية ".

وواصل:"اتخذت جميع الإجراءت القانونية وتقدمت ببلاغ للنيابة العامة واتخذت جميع الإجراءات القانونية والحكم للقضاء وشكرًا".

وكانت عارضة الأزياء رحيل ذكري أعلنت عن مقاضاة الفنان محمد الشقنقيري بتهمة التشهير بها وأولادها بعد إنكاره الزواج منها.

وتبرأ الفنان محمد الشقنقيري من عارضة الأزياء رحيل ذكري بعدما ادعت، بعد إعلان أنها انفصلت رسميًا عنه، مشيرًا إلى أنه لا يعرفها، ولم يلتقِ بها من قبل.

محمد الشقنقيري ورحيل ذكري

وظهرت الموديل رحيل ذكري في فيديو جديد تهاجم الفنان محمد الشقنقيري، بعدما أثارت جدلًا واسعًا خلال اليومين الماضيين، بتداول صور وفيديوهات تجمعهما، وتعلن من خلالها انفصالها عنه، وهو ما استنكره الشقنقيري.

فيديو رحيل ذكري

وقالت رحيل ذكري في الفيديو الذي نشرته عبر حسابها الخاص بموقع الصور والفيديوهات القصيرة انستجرام: طبعا أنا لسه حاطة لكم صورة، كانت سيشن قديم، ظهرت فيه وكان فيه إيد كاتمة بوقي، وهو ده ردي عليه بقول له مهما عملت محضر لو مليون محضر أنا بالنسبة لي مش طار أنا مش عاوزة حقي.

وواصلت: لازم تعرفوا يا جماعة أنه بالعقل والمنطق حاولوا تشغلوا دماغكم، وبلاش أسلوب أن الأغلبية ترمي الاتهامات، والكلام مش محمد الشقنقيري اللي أطلع بيه تريند، أنا اللي طلعته تريند، مين كان بيسمع عنده غير بعد ظهوره معايا.

وأضافت: لو عاوزة شهرة هجيبه هو ليه.. اللي عمره خمسين سنة، أنا اللي طلعته تريند - مع كامل احترامي ليه - فالواحد فيه اللي مكفيه فبلاش ترموا  الناس بالتهم.. لو عاوزة أطلع تريند، أجيب لي شاب حلو من اللي مسمعين، وأطلع معاه موديل وأبقى تريند.

وتابعت: الزواج هو الإشهار بغض النظر إن كان عرفيا رسميا أيا كان وكل عيلتي عارفة، وفيه مكالمات مسجلة مع الشقنقيري ووالدي ووالدتي.. أنا مش منحلة وماشية على حل شعري، مكالمته مع ماما متسجلة وبواب العمارة شاهد، كان بيجي من فترة للتانية، وبيبعت للولاد هدايا.

وأردفت: أنا بقول باعلن الانفصال، لأنه طلقني بتنكرو كل ما فيه شيء بيتعمل هفضل أرد، ولسه عندي مفاجأت ما ظهرتهاش، مش هطلع كله، كنت ببكي البكى دا من كتر حبي فيك والحب صفة إلهية بإيد ربنا، ربنا بيزرع الحب في قلوبنا، ومن وقت ما عرفتك وأنا في مصايب.. ما عدا أول شهور اللي هي كانت حلاوة البدايات، فيما عدا ذلك مشفتش معاك شيء حلو، كنت بفضل مستنية بالساعات، وما تجيش، وكان نفسي أتكلم معاك، ما كانش من حقي، وحطيت في بقي جزمة قديمة.

واختتمت: أديتك ورقتي الجواز عشان هبلة وأنا من رابع المستحيلات أمشي مع حد في الحرام، ربنا قدر إني حبيتك، وما حدش يلومني، مفيش ست هتاخد راجل  من واحدة، اتبهدلت وأنا كل عمري 29 سنة، وفترة عشريناتي راحت كلها مصايب ورا بعض مش بتقف".