بيقولوا اللحمة لسه غالية.. الرئيس السيسي يكشف سبب ارتفاع الأسعار

رد الرئيس عبدالفتاح السيسي على ما يثار بشأن ارتفاع أسعار اللحوم، قائلا: بيقولوا اللحمة لسه غالية عاوزين نفهم الناس بس لو الإجراءات اللي اتعملت دي مكنتش اتعملت كنا بقينا فين؟.

وأضاف السيسي، خلال افتتاح مشروعات الإنتاج الحيواني والألبان في السادات بالمنوفية، اليوم الاثنين: أنا بس عايز أقول إن الأزمة الأوكرانية مش بقالها مدة كبيرة أوي بنتكلم في 5 أو 6 أشهر لكن لازم نعرف الإجراءات اللي الدولة عملتها خلال السبع سنوات الماضية مع نمو السكان وتطور الأسعار في العالم كله.

وتابع الرئيس السيسي: هنجد إننا زدنا حوالي 15 مليون شخص ولو معدلات نمو الإنتاج الحيواني الوطني للدولة بتنمو بنفس هذا المعدل كنا ممكن نحافظ على الأسعار لكن في متغيرات أخرى زي أسعار الأعلاف، إحنا بنجيب جزء كبير جدا من الأعلاف من الخارج.

واضاف الرئيس: بنقول لنفسنا لازم أكبر حجم من الأراضي يتم استصلاحه علشان نخلي فيه سيطرة على تكلفة الإنتاج، ولما اتكلمنا من سنوات عن مشروع البتلو مكناش عارفين إن ده هيحصل لكن كنا شايفين لو عندنا فرصة نزود نمونا في الإنتاج في أي مجال سواء لتحقيق الاكتفاء الذاتي أو لفرصة التصدير للخارج فلا بأس، ودخلنا المسارات دي متأخرين شوية.

ووجه الرئيس عبدالفتاح السيسي المحافظين بتطوير أسواق المواشي ورفع كفاءتها، وذلك تعقيبا على مشهد أحد الأسواق بالمحافظات.

وقال السيسي، خلال افتتاح مشروعات الإنتاج الحيواني والألبان في السادات بالمنوفية، اليوم الاثنين: مش انتوا بتاخدوا فلوس من الناس وهي داخلة الأسواق دي، كلامي للمحافظين، ليه مبطوروش؟

وتابع الرئيس السيسي: ده لازم يتنضف ويتنظم من اللي بتاخدوه من الناس، عاوزين تطوروا الناس وعينهم تكون متعودة على الحسن، طيب يبقى أنا دخلته السوق وخلاص، لأ، لازم يشوف تغيير.