كأنهم مسكوني في قضية دعارة.. تعليق ناري من فريدة سيف النصر على مشهد نقفش الفراخ | شاهد

قالت الفنانة فريدة سيف النصر، إنها تتلقى الكثير من التعليقات السلبية بسبب مشاهدها في فيلم "مين فينا الحرامي" مع الفنان عادل إمام عام 1984.

أضافت فريدة، خلال حوارها مع الإعلامية ياسمين عز مقدمة برنامج "كلام الناس" عبر قناة "mbc مصر": "فيلم (مين فينا الحرامي) ده اللي جايبلي الكفية، وخاصة مشهد (كنا بقفش في الفراخ)، الفيلم مش بيضايقني، لكن في عيال من الجمهور اتولدوا بعد الفيلم ده ما اتعمل، بلاقيهم لحد النهاردة يقولولي (نقفش في الفراخ)، ويغيظونا بقى، كأنهم مثلا مسكوني في قضية دعارة لا مؤاخذة، إيه يا جماعة في إيه! ده فيلم".

تابعت: "الفيلم مكنش فيه أي حاجة غير إن عادل إمام نام جنبي على الأرض، ماسكينهالي ذلة، اللي هو والنبي متتكلمش بس وتقولي رأيك وبتاع وشوفي نفسك في مشهد (نقفش في الفراخ)، إيه ده! عملت إيه يعني! أنا مش بزعل منهم وبحب أضحك معاهم ونتناقش، وهما يعيني مساكين جدا ملقوش قدوة".

وتابعت فريدة سيف النصر: «السوشيال ميديا احنا بنستخدمها استخدام خاطئ وبكثرة وهناك من يقلد ولكن بطريقة خاطئة».

وأشارت فريدة سيف النصر إلى أنه لظروف زواجها كانت ترفض تقديم مشاهد قبلات، مؤكدة أن القبلات يمكن تقديها في إطار السياق الدرامي.

وأضافت: «أن أنا عملت أفلام تقيلة مع مخرجين كبار، والجيل الحالي ميعرفش كدة».

وتابعت، أنه «لأي فنانة بتلعبي في وشك ليه، وهل حضرتك هتعمل حاجة أجمل من خلق الله».

واشارت فريدة سيف النصر إلى أن «سمير غانم ودلال عبدالعزيز كانوا خيوية وحياه، وكانوا لا يصطنعون أو يقوموا بأي عمليات تجميل»، مؤكدة أن «التجميل اخترعوه برة واحنا اللي استخدمناه بكثرة».

يذكر أن آخر أعمال الفنانة فريدة سيف النصر مسلسل "رانيا وسكينة" مع روبي ومي عمر في رمضان 2022.