الأهالي احتجزوه بالمنزل.. تفاصيل صادمة في قتل مبيض محارة لزوجته بطريقة مروعة بالدقهلية | فيديو

أقدم مبيض محارة في الدقهلية، اليوم، على قتل زوجته بجرح ذبحي في الرقبة بسبب خلافات أسرية، وتجمع الأهالى وحبسوا الزوج لحين وصول الشرطة.

تلقى مدير أمن الدقهلية إخطارا من مدير المباحث الجنائية بقتل زوج لزوجته بقرية الدراكسة التابعة لمركز منية النصر بجرح ذبحي في الرقبة، وتجمع الأهالى حول المنزل لمنع هروب الزوج.

انتقل ضباط المباحث لمكان البلاغ، وتبين وجود جثمان الزوج بصالة المنزل غارقة في دمائها، وتم القبض على الزوج والتحفظ على جثمان الزوجة وتحرير محضر بالواقعة.

كشفت التحريات المبدئية أن الزوج ممدوح أحمد أبوالنور، 50 سنة، ويعمل مبيض محارة، قام بقتل زوجته بجرح ذبحى بالرقبة وتدعى صفاء عبده السيد إمام، 33 سنة وأن خلافًا نشب بينهما بسبب رغبة الزوجة في أنها تذهب لزيارة ابنها المحبوس وطلبت تجهيز أطعمة وملابس له، ورفض الزوج ذهابها لزيارة ابنها، ومع إصرارها ورغبتها في زيارة نجلها نشبت خلافات فيما بينهما قام على إثرها بقتلها بجرح ذبحي بالرقبة.

وقال شاهد عيان: «كان راجل صنايعي كويس جدا وفجأة اتغير من فترة ومتعرفش إيه اللي حصله بقى يشرب مخدرات ولا إيه منعرفش، هو ليه إخوات نقاشين، وهم عيلة كويسة وعيلة شايفة مصالحها وبتشتغل وكل واحد فيهم عنده مشاغله وعياله».

شاهد العيان: المباحث أنقذت القاتل من الأهالي

وعن تفاصيل الجريمة، أوضح شاهد العيان، الذي يدعى وائل عوضين، أن الزوجة كانت ترغب في زيارة ابنها المسجون ولكنه رفض: «رفض تروح لابنها لأنه مكانش معاه فلوس ياخد زيارة وهي أم عاوزة تشوف ابنها».

أما عن تفاصيل ما بعد الواقعة، أضاف شاهد العيان: «الدنيا مقلوبة في الشارع وطلبنا مركز الشرطة وجه على طول وأنقذوا ممدوح اللي قتل زوجته لأن الناس كانت بتضربه جامد وخدوا جثة زوجته للمستشفى، انا آخر مرة شوفتهم امبارح العصر قبل الجريمة كان ماشي في الشارع وهي ماشية وراه».

وكشف أن الجاني والمجني عليها لديهما ابنة صغيرة: «البنت اللي عندها سنة أخوالها خدوها، هو ساكن في الدور الثاني دبح مراته ونزل قال أنا دبحتها وبيتكلم وهو مش فايق وبيقول حد يروح يجيبلي سجاير وواحدة خدت منه الفلوس قطعتها والمباحث نجدوه من الناس اللي نزلوا عليه ضرب».

شاهد عيان: دبحها في الصالة ونزل

واستكمل شاهد العيان: «الحوادث بتحصل لأن الناس تخلت عن مبادئها وبعدت عن ربنا وكله بيجري ورا الأكل والشرب، إحنا في الأشهر الحرم اللي ربنا حرم فيها القتال ونتمنى من الأزهر يكون في توعية، مستنيين النيابة تفرج عن الجثة علشان ندفنها، دبحها في قلب الصالة ونزل، ولكن مفصلش راسها عن جسمها».

انتقل فريق من النيابة العامة لمعاينة مكان الجريمة، وقررت النيابة نقل الجثمان لمستشفى المنصورة الدولي وندب الطبيب الشرعى لتشريح الجثة وبيان أسباب الوفاة.