جربت الطريقة في القطط.. اعترافات مثيرة للمتهم بالتخطيط لقتل والده وزوجته وشقيقه
ماتت والدته فاسودت الدنيا في عينيه ظن أن والده سيعوضه وسيكون سندا له في الحياه ولن يتركه ولكن كانت المفاجأة والده ذهب مسرعا ليبحث عن عروسه جديدة ليتزوجها وأخذ يردد لأولاده انا بتحوزها عشان تخدمكم وترعاكم انا مش هقدر اخدمكم.
وافق الشقيقان علي زواج والدهم ومن داخلهم لا يصدقونهم ولكنهم وضعا أمام الأمر الواقع أن تزوج والدهم بنت صغيرة اكبر منهم بسنوات قليلة ولكنهم عاشت في دور مرات الاب سريعا فأخذت تقوي الوالد علي أبنائه وتوقع بينهم وتتسبب لهم في الطرد من المنزل والعقاب المستمر والحرمان من الأموال وتزايد الأمر عندما اراد ان يتزوج بنت عمه ووقفت له مرات أبوه وحرضته علي الرفض وحرمانه من الفلوس.. ومع هذه الأفعال قرر الاخ الكبير أن يتخلص من والده وزوجته عقابا علي أفعالهم.
س/ ما تفصيلات اعترافك؟
ج/ اللي حصل اني انا فيه خلافات عائلية بيني وبين ابويا ومرات ابويا وجت في بالي فكره اني اموتهم ان انا احط سم في الاكل ومن حوالي اسبوع روحت محل واشتريت منه كيس مبيد حشري ويوم الجمعه اللي فاتت لقيت الاكل محطوط علي البوتجاز وكنت عارف ان ابويا ومرات ابويا هيكلو منه كمان شويه وروحت فضيت الكيس كله في زجاجه صغيره وفضلت ارجها وبعدين فضيت الزجاجه علي الاكل وروحت شلت الكيس فاضي في شق في الحيطه في البيت وبعد كدا بحوالي ساعة قعدو كله وبعدين لقيت ابويا تعب خته ووديتو مستوصف بتاع الحي انا واخويا ربيع وهناك علقولو محاليل وقالولو الضغط عالي وبعدها بشويه بقي كويس وخدنا وروحنا علي البيت وانا لما رجعنا انا نمت وصحيت المغرب علي صوت صريخ عبده اخويا ولما صحيت عرفت انه كل من الاكل وان باطنه وجعاه وروحت خدته ووديتو مستوصف الحي وقالو ده حاله تسمم وحولونا إلي مستشفى الصف وانا في المستشفى لقيت ربيع اخويا بيقولي ابوك تعب راح جابه علي مستشفي الصف المركزي وهناك اتحجزو هما الاتنين وانا سالوني في محضر في نقطة المستشفي ولما جيت النيابة اتسالت من يومين كنت خايف أقول اللي حصل وده كل اللي حصل
س متي واين حدث ذلك؟
ج/ الكلام ده حصل يوم اشتريت المبيد من المحل جنبنا
و كان يوم الجمعه اللي فاتت حوالي الساعه ۱۱صباحا في بيتنا بعرب غمازة الكبرى الصف الجيزة
س/ وما هو اسم المحل الذي قمت بشراء منه المبيد الحشري تحديدا؟
ج/ هو محل اسمه صحاري في قرية الاخصاص
س/ وما سبب قيامك بارتكاب الواقعة؟
ج/ لان انا فيه خلافات بيني وبين وابويا ومرات ابويا
س/ وما هي طبيعة تلك الخلافات؟
ج/ لاني انا كنت عاوز اتجوز بنت ابن عمي ومرات ابويا رفضه وبتخلي ابويا يرفض وكل ما اروح البيت عند ابن عمي هي بتبلغوا وابويا بيعمل مشاكل معايا ومسبب مشاكل كتير في البيت
س/ وكيف توصلت إلى هذه الفكرة لارتكاب جريمتك؟
ج/ لأن من حوالي أربع سنوات ابويا جاب سم زي ده وحطه علي سمك للقطط لان كان عندنا قطط كتير في البيت والقطط كلته وماتت
س/ منذ متى وأنت تفكر في ارتكاب تلك الجريمة؟
ج/ من حوالي اسبوع لان كان فيه مشاكل بين ابويا وبين اعمامي وابويا كان عاوز
يقعد معاهم في جلسة عرفية وانا قالتله احنا لو قعدنا في جلسة عرفية هندفع فلوس
كتير خلينا نحلها ودي احسن ومراته مكنتش عاوزانا نقعد من الأساس
وأحالت نيابة جنوب الجيزة المتهم إلى المحاكمة الجنائية العاجلة.
