كسر عينه وصور كل حاجة لابتزازه ماليا.. اعترافات صادمة لوالدة طفل عزبة شلبي بعد هتك عرضه
أحال المحامي العام الأول لنيابة شرق القاهرة سمكري سيارات وعاملا بسايبر كمبيوتر المتهم بهتك عرض طفل عزبة شلبي بالمطرية للمحاكمة الجنائية.
جاء بأمر الإحالة أن المتهم خطف المجني عليه الطفل بالتحايل بأن أوهمه برغبته في نقل بعض الأثاث إلى أحد الأماكن، وطلب منه مساعدته وتمكن بهذه الطريقة من استدراجه إلى مكان قصي عن أعين الناس.
واقترنت جناية الخطف بجناية هتك عرض المخطوف بأنه في ذات الزمان والمكان سالفي الذكر هتك عرض المجني عليه الصبي بالقوة، بأن أشهر في وجهه سلاحا أبيض وحسر عنه ملابسه كما حصل بالتهديد على المبالغ المالية المبينة قدرًا بالأوراق والمملوكة للمجني عليه بأن هدده بإخبار أهله بالفعل - محل الاتهام السابق - مقابل إعطائه المبالغ المالية على النحو المبين بالتحقيقات، وأحرز سلاحا أبيض (مطواة) بدون مسوغ من الضرورة المهنية أو الحرفية.
اعترافات والدة الطفل ضحية ختم العرض
س / ما تفصيلات حدوث الواقعة تحديدًا؟
ج /اللى حصل أنا لقيت السنتر اللي مراون ابني بياخد دروس فيه بيكلموني ولقيتهم بيقولولي إن ليهم فلوس عند مروان، فأنا روحت السنتر علشان أعرف مين اللي بيسأل عليه، فعرفت إن هو واحد اسمه عمرو.
فأنا فضلت أدور عليه لغاية لما عرفت بيته وكلمت حد تبعي علشان نعرف إيه قصة الواد ده، فقبل ما يروح ابنى قعد مع ابني وقاله احكيلي إيه اللي حصل ويعرف الشخص ده منین، فابنى حكاله إن الواد ده في نص السنة اللي فاتت قاله تعالى معايا علشان نشيل عزال نطلعه الشقة، وبعد كدا خده عمارة في شارع ترعة الغزالي ورفع عليه المطواة وتعدى عليه جنسيا، وبعد كدا هو مقابلوش تاني علشان كان في إجازة وهو مكنش بينزل من البيت.
وبعد كدا لما الدراسة ابتدت وابني بدأ ينزل تاني عمرو قابله تاني وتعدى عليه جنسيا بس معرفش إيه التفاصيل بالظبط، أنا كل اللي أعرفه إن آخر مرة من حوالي شهر كنت طلبت من مروان إنه ينزل يشتريلي حاجات ومروان راح قابل عمرو واداله ألف جنيه علشان يمسح الفيديوهات، ولما خد الفلوس من مروان قاله اعتبر إن الفيديو اتمسح، وأنا لما عرفت الكلام ده من سید اللى هو يبقى عم مروان رحت على القسم وعملت محضر، قلب أمك يا ابني، وده كل اللي حصل.
س / وما هو عمر سالف الذكر تحديدا؟
ع / ثلاثة عشر عاما.
س / هل شاهدتِ أي واقعة من وقائع هتك العرض سالفة الذكر بنفسك؟
ج / لا بس ابني حكى لعمه كل حاجة.
س / وما المبالغ المالية التي تحصل عليها المتهم من نجلك مقابل عدم نشره ذلك الفيديو؟
ج/ حوالي ستة آلاف جنيه، وهو كان بياخدهم على دفعات.
س / ومن أين تحصل نجلك على ذلك المبلغ تحديدًا؟
ج / أنا بعد كدا عرفت من ابني إنه كان بياخد فلوس من بيت والدي.
س / وهل استبان لكِ سبب قيام نجلك بدفع تلك المبالغ المالية؟
ج / أنا عرفت من ابني إنه كان بياخد الفلوس دى علشان يديها للمتهم علشان مینشرش الفيديو.
س / وهل شاهدتِ تلك الفيديوهات بنفسك؟
ج / لا.
س / أین تمت تلك الواقعة تحديدًا؟
ج | في عمارة فيها شقق فاضية.
س / هل قام المتهم بتجريد الطفل من ملابسه آنذاك؟
ج / أيوة هو قلعه ملابسه.
