انفصلي وعيشي حياتك.. كيف حرضت رضوى الشربيني الزوجات على طلب الطلاق؟ | فيديو
"فيها إيه لما الست تنفصل وتتجوز 4 أو 5 مرات.. ولو جوزي مش عاجبني هاطلب الطلاق واتجوز غيره.. ولو غيره معجبنيش اطلق تاني واتجوز غيره لحد ما احس براحة".. بهذه الجمل أطلقت الإعلامية رضوى الشربيني العنان للسانها ليضرب يمينا ويسارا بتقاليد المجتمع، وهو ما قوبل بعاصفة من النقد.
رضوى: أنا منفصلة وعايشة كويس
انفعلت الإعلامية رضوى الشربيني بشدة بعد تلقيها رسالة من متابعة لبرنامجها، تحدثت فيه عن الانفصال وكأنه يقلل من قدر المرأة.
ورفعت رضوى صوتها، مؤكدة أنها هى الأُخرى منفصلة، وأنها لا تعتبر مثل هذا الأمر عيبا، بل دليل على قوة الست، وعلقت قائلة: "أنا كمان منفصلة، هى منفصلة دى عندك عيب؟ ناقصك شئ؟، وعلى فكرة أنا رضوى الشربينى ومنفصلة، وكمان بشتغل وبخلى بالى على بناتى وكمان أصحابى، والحمد لله عايشة كويس وسعيدة وراضية باللى ربنا كتبهولى، وممكن تتجوزى مرة واتنين وتلاته، مش ده حلال ربنا؟".
تحريض الزوجات على الانفصال
تابعت رضوى: مش عاوزة أى ست تقول الجملة دى تانى بالشكل ده، وإحنا هانرضى باللى ربنا قسمه وهانرضى بالقليل يعنى علشان منفصلين؟، وعلى فكرة أنا انفصلت علشان مقبلتش على نفسى حاجة غيرى قبلتها، وكون إنى قلت لأ يبقى أنا أكيد أقوى بكتير من غيرى".
وأنهت: "أنا مُنفصلة ومفيش حد يقدر يتكلم عليا، وده علشان أنا إنسانة مُحترمة، واللى بعد كده بيبقى أحلى وأجمل، انفصلى وعيشى حياتك على طبيعتها، ولو لقيتى ابن الحلال اللى يستاهلك تانى تمام مفيش أى مشكلة".
تامر حسني يحرج رضوى الشربيني
لم يكن هذا السبب الوحيد لتصدر رضوى ترند الأكثر بحثًا، بل بسبب نشرها مقطع فيديو لها بصحبة المطرب تامر حسني، من حفل زفاف أصدقاء مشتركين بينهما، وأصر تامر على إحراجها للمرة الثانية؛ عندما طلب منها إطلاق زغرودة لتحية العروس، رغم علمه أنها لا تجيد الزغاريد".
وظهرت رضوى في الفيديو بجوار تامر حسني وهو يشوق الحضور لزغرودتها المميزة، لتجيبه: "هو انت كل مرة؟ مابعرفش، وبعدها تتقنها"، ليمازحها قائلًا: "قال مابعرفش قال"، ويغني "كل مرة".
رضوى تستنجد بزوجة تامر
واستنجدت رضوى الشربيني بزوجة تامر حسني بسمة بوسيل، في تعليقها على الفيديو قائلة: "يرضيكى كده كل مرة وكل فرح جوزك يخليني أزغرد وأنا ما بعرفش، اتكلمي معاه بقى"، لتجيبها بسمة معلقة: "يا بنتي كل ده حب والله، بيمرنك يا رضوى شوية، أحبك جدًا يا أختي".
