مش مصدق.. محمود سعد: زوجة إيه اللي مترضعش ومتطبخش ومتعملش؟

استنكر الإعلامي محمود سعد، ما يُروِّجه البعض عن الحياة الزوجية مثل "الست مش مجبرة تخدم جوزها ولا ترضع ابنها وتضرب الزوج".

وقال خلال بث مباشر له على صفحته الرسمية على "فيس بوك": "يعز عليَّ إننا في 2022 وبنتكلم في حاجة زي دي، مش مصدق إن الناس بتتكلم فيها".

وأضاف: "الحياة الزوجية حاجة بديهية، وطلع حد يقول لا الأم مترضعش وحد يقول إنها تضرب الزوج، إيه ده؟.. ده ولا حاجة، ودي مش قضايا نتكلم فيها، وزوجة إيه اللي مترضعش ومتطبخش ومتعملش؟"

وتابع: كل زوج وزوجته يعملوا حياتهم زي ما هما عاوزين، ودي حاجة مش محتاجه إفتا ولا حاجة، وربنا قال "خُذِ الْعَفْوَ وَأْمُرْ بِالْعُرْفِ" (الأعراف: 199).

واستطرد: مينفعش الواحد يتجوز واحدة ويعتبرها شغالة، ومش فاهم الناس بتتكلم في إيه.. أشعر بالأسف بصراحة عن الموضوعات دي.

وكان البعض روَّج خلال الأيام القليلة الماضية لبعض الأمور، أنَّ السيدة ليست ملزمة لخدمة زوجها في المنزل بـ"الطبخ وشغل البيت"، علاوة على تصريحات أخرى تضمنت "الأم ملهاش أنها ترضح ابنها".