عينه على دور الرقاصة.. هجوم ناري من أحمد فلوكس على محمد رمضان بعد السخرية من والده | فيديو
هاجم الفنان أحمد فلوكس، زميله الفنان محمد رمضان بسبب سخرية الأخير من والده الفنان فاروق فلوكس لتجسيده دور "صبي رقاصة".
تصريحات محمد رمضان
وتحدث محمد رمضان خلال لقائه الإعلامية نجوي إبراهيم المذاع على قناة النهار،: "فى فنان كبير عمل أشياء أرفض أن افعلها، وكان بيعمل أدوار صبي عالمة ولو هشحت مش هبقي زيه، رغم أن هذا الفنان قدير".
رد أحمد فلوكس
ليرد أحمد فلوكس على تصريحات رمضان من خلال منشور عبر حسابه الشخصي في "فيس بوك"، كتب فيه: "شوف يا حماده، انت ترفض إنك تعمل دور صبي رقاصة لأنك دايمًا نمبر وان، فأكيد هتبقى عينك على دور الرقاصة نفسها، مش الصبي بتاعها، وانت ما شاء الله ناجح في ده جدًا وبتعمله سهل وانت عريان ما دريان".
وأضاف أحمد فلوكس: "نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان".
وتابع موضحًا: "أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان".
واختتم أحمد فلوكس هجومه قائلًا: "وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار".
فيلم ع الزيرو
من ناحية أخرى بدأ محمد رمضان تصوير فيلم "ع الزيرو" مع الفنانة نيللي كريم، والمخرج ماندو العدل، والفيلم من تأليف مدحت العدل، وإنتاج جمال العدل، ومن المقرر أن يضم عدد كبير من النجوم إلى جانب محمد رمضان ونيللي كريم.
أعلن محمد رمضان، عن طرح أغنية جديدة مع النجم محمد عدوية، وذلك عبر حسابه بموقع التواصل الاجتماعي انستجرام. ونشر محمد رمضان، صورة برفقة محمد عدوية وابنة، وعلق قائلا: “استعدوا لأغنيتي مع ملك الأغنية الشعبية أحمد عدوية وحبيبي وأخويا محمد عدوية.. قريبًا”.
