بهدلوه في آخر أيامه.. وفاء مكي تدخل في نوبة بكاء بسبب هشام سليم | فيديو

دخلت الفنانة وفاء مكي في موجة بكاء شديدة بسبب الفنان الراحل هشام سليم خلال حلولها ضيفة على برنامج كلام الناس المذاع على قناة mbc مصر وتقدمه الإعلامية ياسمين عز، في أول ظهور لها بعد غياب.

قالت وفاء مكي خلال البرنامج: «أنا وهشام سليم قعدنا فترة طويلة وسافرنا مع بعض وعيشنا مع بعض وأخلاقه جميلة ومن جواه في حاله، وزعلانة عشان البهدلة اللي حصلت في الآخر، ليه يبهدلوه في آخر أيامه، وإيه اللي حصل عشان يعملوا معاه كده ويتكلموا عن ابنه، دا كان إنسان جدع وخير وبيعمل حاجات حلوة محدش كان حاسس بيها، بطلب من الناس الرحمة، الرحمة حلوة أوي، والموت ليه حرمته وليه هبته».

وتابعت حديثها منتقدة السوشيال ميديا: «السوشيال ميديا بتضر أكتر ما بتنفع، وتنتهك شعور الناس وكل ده عشان مشاهدة وفلوس والفلوس دي حرام، زمان كانت مهنة الصحافة احترام ومبادئ وقيم دلوقتي أي حد بيطلع يشتم فيكي، وأنا أخدت عهد على نفسي إني مفتحش السوشيال ميديا».