حسام حبيب يكشف تفاصيل صادمة عن ليلة دخول شيرين عبد الوهاب المستشفى

كشف حسام حبيب، عن مفاجأة جديدة حدثت مع شيرين عبدالوهاب داخل المستشفى خلال هذه الفترة وهى أن شيرين حاولت الانتحار داخل المستشفى وده بسبب اللي عملوه فيها، بعد أخذها بالشكل العنيف للعلاج وضربها وتوجيه أقذر الشتائم لها.

وأضاف «حبيب» خلال مداخلة هاتفية مع الإعلامى عمرو اديب ببرنامج الحكاية المذاع عبر فضائية «ام بى سى مصر»، أنه حاول الاطمئنان على شيرين من خلال شخص داخل المستشفى، وهذا الشخص أكد له أن شيرين رافضة الأكل منذ 3 أيام، وهناك علامات ضرب كثيرة على جسدها.

تفاصيل واقعة شيرين عبدالوهاب:

وصرح حسام حبيب حسام حبيب، عن تفاصيل جديدة في واقعه شيرين عبدالوهاب أثناء أخدها إلى المستشفى، قائلًا: إن الليلة اللي كانوا جايين ياخدوا فيها شيرين علشان يدخلوها المستشفى واحد كان شايل مطوى (سلاح أبيض)، إزاي جايين ياخدوها يعالجوها.

واضاف، أنا شوفت شيرين بتتسحل على الأرض واترمت في عربية ومشيوا بيها، وشتموها بأقذر الشتايم، وكانت بتنده وتصوت علشان أنجدها، ولكن مفيش أي تفاهم.

وتابع: أنا اتضربت ووقعت على دماغي واتكتفت علشان حاولت أمنعهم إنهم يأخدوها، ومعملتش محضر علشان مأذيهاش، والمنظر اللي أنا شوفته واللي اتعمل فيها أكيد هيسبب ليها أذى باقي حياتها.