نيمني في الحمام.. زوجة لقاضي الأسرة: زوجي مدمن واتجوز عليا عرفي

أتجوز عرفي وقالي كنت عايز أكسب فيها ثواب.. هكذا بدأت زوجة وصفها لـ لخيانة زوجها لها أمام قاضي محكمة الأسرة  وعن الجحيم التي صارت فيه بعد زواجها بـ 3شهور مما جعلها تقرر خلعه لتتخلص من العيشة معه ".

بقي عامل زي المدمنين

واصلت الزوجة المُحطمة حديثها للقاضي بلهجة حزينة وقالت “ أنا وزوجي متجوزين من 15 سنة وعندنا طفلين، بعد فترة من الجواز بدأ في شرب المخدرات وبقي بالفعل زي المدمنين دا كان بيشرب ترامادول  بطريقة جنونية، كان شغال في وسط البلد في المترو وجي تعب فجأة وقاعد في البيت وبقيت انا اللي بصرف عليه اشتغلت في البيوت عليه علشان أقدراصرف عليه وعلي عيالي وأجبر ابني الطفل علي الشغل في المترو والمواصلات.

جواز بعد 3 شهور 

تُكمل الزوجة بحديث يملؤه المفاجآت والصدمات التي لم تكن في حسبانها إطلاقا كما بدا على ملامح وقسمات وجهها أمام القاضي، وتقول: "زوجي بعد فرحنا بـ 3شهور أتفاجأت انه متجوز واحدة عرفي ولما واجهته قالي دي واحدة أنا غلطت معاها وكتبت عليها ورقتين عرفي عشان أصلح غلطي وأنا وقتها قولتله إني مسامحاه واني موافقة كمان يكتب عليهارسمي عشان انا مسيري أبقي أم واللي مرضاهوش علي بنتي مرضاهوش علي الناس لكن هو ساعتها رفض لأنه مكنش عايز يفضح نفسه ويدخل في مسؤوليات كبيرة ".

بسلك الكهرباء

بعد ما قعد في البيت ماكنش بيعمل حاجة طول اليوم غير إنه يضربني في الرايحة والجاية.

وتضيف: في مرة ضاربني بسلك الكهربا علشان عملت أكل  وكان ملحه زيادة ومرة رماني من الدور التاني ده غير أنه كان بينيمني في الحمام بالأيام ويجييب ماية متلجة في عز الشتا ويرميها عليا كل ده وأنا ساكنة ومستحملة عشان خاطر أولادي لحد ما قررت أخلعه وأرتاح منه.