بتعملوا شبكة الطرق الكبيرة دي ليه؟.. الرئيس السيسي يوضح الأسباب
علّق الرئيس عبدالفتاح السيسي، على استفسار بعض المواطنين بشأن تنفيذ الدولة لعدد من المشروعات القومية الكبرى في مجال الطرق والكباري.
وقال الرئيس السيسي: "أنا بسمع كتير إنتوا بتعملوا شبكة الطرق الكبيرة دي ليه، لو معملتش كده هظلم الجيل ده واللي جاي كمان لو ما تعملش يبقى احنا بنضيع البلد والناس".
جاء ذلك في كلمة الرئيس السيسي، خلال افتتاح مدينة المنصورة الجديدة، اليوم الخميس.
وأضاف: "طب إحنا في خير ونعمة؟ أيوه والله العظيم إحنا في خير ونعمة.. الجهد اللي بنعمله جهد مخلص وأمين وبمنتهى القوة اللي ربنا بيعينا بيها بنعمل".
وقال الرئيس عبدالفتاح السيسي، إن مصر بما لديها من مياه حاليا تعتبر أقل من النمو السكاني المحتمل خلال السنوات المقبلة، مضيفا: "هنجيب ماية منين؟".
وأضاف الرئيس السيسي خلال افتتاح المرحلة الأولى من مدينة المنصورة الجديدة اليوم الخميس: خطة الدولة تضم خبراء وعلماء مش هقعد حط رجل على رجل وأقول كلمتين، يا جماعة دي دولة من خيرة العلماء من الجامعات أو من الوزارات العلمية والتصور ده مش وليد النهاردة ولازم تقول كده، وإحنا بس اللي عملناه وكان موجود قبل كده لكن الظروف ما سمحتش يتعمل.
وتابع: خطة المياه محتاجين نعمل تحلية مياه والمدن الساحلية وشرق بورسعيد 15 كم مكعب في اليوم والجلالة فيها 150 ألف متر مكعب في اليوم.. والمحطات كلفتنا كتير.
